Ekibastuz qalasy ákiminiń orynbasary men TKSh, jolaýshylar kóligi jáne avtomobil joldary bóliminiń qyzmetkerlerine qatysty qylmystyq is qozǵaldy. Bul týraly Sybailas jemqorlyqqa qarsy qyzmet málim etti, - dep habarlaidy Tengrinews.kz agenttigi.
"Pavlodar oblysynda qala ákiminiń orynbasary men qalalyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bóliminiń laýazymdy tulǵalaryna qatysty sotaldy tergeý júrgizilip jatyr.
Olar memlekettik satyp alý jáne oryndalǵan jumystar aktisine kedergisiz qol qoiǵany úshin merdigerlik uiymdardan júieli túrde para aldy degen kúdikke ilindi", - dedi Sybailas jemqorlyqqa qarsy is-qimyl agenttiginiń asa mańyzdy isteri boiynsha tergeýshisi Qaisar Barjaqsynov.
Antikor málimetinshe, kúdiktilerdiń kinálilik dárejesin anyqtaityn túpkilikti sheshimdi sot shyǵarady. Ózge aqparat QIJK-niń 201-babyna sáikes tergeý múddesinde jariialaýǵa jatpaidy.
