Shaǵyn biznesti tekserýge qoiylǵan moratorii nátiejsinde eki jyl ishinde tekserýler sany tórt ese qysqarǵan. Memleket basshysy Qasym-Jomart Toqaev «Altyn sapa» syilyǵy jeńimpazdaryn quttyqtaý kezinde osyndai derek keltirdi, dep habarlaidy QazAqparat.
Prezident óz sózinde 2025 jylǵa qarai ónerkásip eksportyn bir jarym ese ulǵaitý úshin barlyq qajetti jaǵdai jasalǵanyn atap ótip, solardyń negizgilerine toqtaldy.
«Birinshi. «Ónerkásip saiasaty týraly» zańnyń qabyldanýy - biznesti memleket tarapynan qoldaý sheńberindegi eleýli oqiǵa bolmaq. Bul zań mańyzdy mindetterdiń biri sanalatyn indýstriialandyrýdy, otandyq óńdeýshi kásiporyndardy qoljetimdi shikizatpen qamtamasyz etýdi júieli túrde sheshýge múmkindik beredi. Zań jobasy, sondai-aq, joǵarǵy jáne orta qaita bólinistegi taýarlar óndirisin yntalandyrýǵa baǵyttalǵan», - degen Memleket basshysy shaǵyn kásipkerlerdi tekserýge jariialanǵan moratoriidiń nátijesine toqtaldy.
«Qazaqstanda ekinshi jyl qatarynan shaǵyn biznesti tekserýge moratorii qoldanylyp keledi. Nátijesinde tekserýler sany tórt ese qysqardy. Ózekti emes jáne artyq retteýshilik talaptardy qysqarta otyryp, biznesti aqyldy retteýdi engizýge múmkindik beretin zańnamalyq baza ázirlendi. Tiisti zań jyl sońyna deiin qabyldanady», - dedi Qasym-Jomart Toqaev.
