Dúniejúzilik densaýlyq saqtaý uiymynyń baǵalaýy boiynsha álemge koronavirýsqa qarsy tiimdi vaktsina jasaý men óndirýge kem degende 100 milliard dollar jumsaý qajet. Bul týraly beisenbi kúni brifing barysynda DDSU bas direktory Tedros Adanom Gebreiesýs málim etti, dep habarlaidy "Ult aqparat" BUU jańalyqtarynyń saityna silteme jasap.
DDSU basshysy Halyqaralyq valiýta qorynyń baǵalaý derekterin keltirdi. Atalǵan esepke sáikes pandemiia álemdik ekonomikaǵa aiyna 375 milliard dollar shyǵyn ákeledi. Álemdik ekonomikanyń eki jyl ishindegi jiyntyq shyǵyndary, dál osyndai baǵalaý boiynsha, 12 trln dollardan asady.
«Álem pandemiianyń qysqa merzimdi saldarymen kúresýge trillion jumsaǵan. Tek G20 elderi pandemiianyń saldaryn joiý jáne jeńildetý úshin biýdjettik yntalandyrý sharalary retinde 10 trillionnan astam dollardy jumyldyrdy. Bul álemniń jahandyq qarjy daǵdarysynyń saldarymen kúresýge jumsaǵan somadan úsh jarym ese kóp», - dedi Tedros Adan Gebreiiýs.
Tedros Gebreiiýs osy jyldyń sáýir aiynda DDU álemdik kóshbasshylardyń tikelei qatysýymen pandemiiamen kúres jónindegi halyqaralyq yntymaqtastyqtyń jahandyq bastamasyn iske qosqanyn eske saldy.
«Úsh aidyń ishinde biz aitarlyqtai nátijelerge jettik», – dep atap ótti ol.
DDSU basshysynyń aitýynsha, qazirgi ýaqytta toǵyz tájiribelik vaktsina klinikalyq synaqtyń ekinshi nemese úshinshi kezeńinen ótýde. Álem halqynyń shamamen 70%-yn quraityn elder bastamaǵa qosyldy.
«Bul - COVID-19-ben kúres quraldaryn ádil jáne teń bólýdi qamtamasyz etetin jalǵyz jahandyq platforma. Biraq ol sátti bolýy úshin jobany qarjylandyrý qajet», – dedi Tedros Adan Gebreiiýs.
Onyń aitýynsha, bul – qazirgi álemdegi eń tiimdi investitsiia. DDSU bas direktorynyń pikirinshe, ońtaily tásildi damytý múmkindigin arttyrý úshin álem birneshe túrli vaktsinalar jasaýy kerek. Tiimdi jáne ámbebap vaktsina jasalǵan kezde, oǵan degen suranys usynystan edáýir asyp túsedi dep atap ótti.
