Qarjy monitoringi agenttiginiń elordalyq departamenti 2020-2021 jyldar aralyǵynda kóleńkeli ekonomika salasynda aýyr qylmystar jasaǵan bir top tulǵany áshkereledi, dep habarlaidy "Ult aqparat" vedomstvonyń baspasóz qyzmetine silteme jasap.
"Azamat Han V.V. basqarǵan qylmystyq top óz klientterin biýdjetke salyq tóleýden bosatý maqsatynda baqylaýdaǵy 7 zańdy tulǵanyń kontragentterine jalǵan shot-faktýralar jazyp bergen. Olar óz áreketterimen memleketke 490 million teńgeden astam somaǵa asa iri kólemde ziian keltirgen.
Sot basty aiyptalýshy Han Vitalii Vasilevichti naqty merzimge - 4 jylǵa bas bostandyǵynan aiyrýǵa, al zańsyz aqsha jinaýmen ainalysqan eki adamdy shartty túrde bas bostandyǵynan aiyrýǵa úkim shyǵardy" delingen habarlamada.
Úsh aiyptalýshyǵa da uzaq merzimge kommertsiialyq uiymdarda basshylyq qyzmetterdi, onyń ishinde shot-faktýralardy berýge bailanysty laýazymdardy atqarýǵa tyiym salyndy. Al, tólenbegen salyqtar kameraldyq baqylaý jáne salyqtyq tekserý aiasynda barlyq kontragentterden óndirip alynady.
