Túrkistan oblysynda karantinge qaramastan, toi jasaǵandar anyqtaldy, dep habarlaidy "Ult aqparat".
Engizilgen karantinge bailanysty Túrkistan oblysynyń Politsiia departamenti kúsheitilgen rejimdegi qyzmetin jalǵastyrýda. Sanitarlyq talaptardyń oryndalýyn qadaǵalaý, sonyń ishinde adam kóp jinalatyn basqosýlardy, toi-jiyndar men is-sharalardy anyqtaý boiynsha kúndizgi jáne túngi reidter ótkiziledi.
«Saryaǵash aýdandyq politsiia bóliminiń qyzmetkerleri kezekti reid barysynda úiiniń aýlasynda týystarynyń basyn qaýip-qaterge tigip, qyz uzatý jiynyn jasaǵan turǵyndy anyqtady.
Bul jaitty politseiler ózderiniń kúndizgi reidterine kirisip, úilerdi aralaý barysynda anyqtaǵan.
Dál osyndai jait Kentaý qalasynda da oryn aldy. Jergilikti turǵyn Kentaýdaǵy meiramhanalardyń birinde qyz uzatý toiyn jasaǵany anyqtaldy», - dedi Politsiia departamentinen.
Atalmysh eki fakti boiynsha QR Ákimshilik quqyq buzýshylyq týraly kodekstiń 425–baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha hattama toltyrylǵan.
«Túrkistan oblysy politseileri turǵyndarǵa karantin kezinde zań talaptaryna sáikes áreket etip, adamnyń kóp shoǵyrlanýyna jol bermeýge shaqyrady. Bul ózińizdiń de, ózgelerdiń de densaýlyǵy úshin durys bolmaq», - deidi tártip saqshylary.
