Eki óńirdegi mektepter men balabaqshalardan anyqtalǵan koronavirýsqa bailanysty atalmysh áleýmettik nysandar karantinge jabyldy, dep habarlaidy "Ult aqparat".
«Qazaqstannyń eki oblysynyń bilim ordalarynda kezekshi synyptar men balabaqshalardaǵy kezekshi topta koronavirýs infektsiiasy anyqtaldy. Barlyǵy - 16 bala. Oqý ordalarynyń bári de karantinge jabyldy», - dedi OKQ-da ótken baspasóz máslihatynda Densaýlyq saqtaý ministrliginiń resmi ókili Baǵdat Qojahmetov.
Onyń aitýynsha, koronavirýs juqtyrǵan balalarmen qarym-qatynasta bolǵan ata-analar men muǵalimder úi karantinine jatqyzylǵan.
«14 kún ótkennen keiin atalmysh bilim ordalary men balabaqshalarda óńdeý jumystary júrgiziledi. Sonymen birge balalardy qaitadan tekseremiz. Balalar aýrýdy jeńil túrde ótkerip jatyr. Kóbinde dene qyzýy da baiqalǵan joq. Keibirinde jótel, keibirinde aýrýdyń basqa da jeńil túrleri anyqtaldy. Jalpy jaǵdailary jaqsy. Bári de úiinde. Olar qajetti dári-dármekpen qamtamasyz etilgen. Dárigerlerdiń baqylaýynda», - dedi ol.
