Foto: QR DSM
Almaty men Astanada ótken aptada eki qaitys bolǵannan keiingi donorlyq protsess júzege asyp, birneshe kúrdeli transplantatsiia sátti oryndaldy. Nátijesinde kútý paraǵynda turǵan alty qazaqstandyqtyń ómiri saqtalyp qaldy, dep habarlaidy Ult.kz.
Donorlardyń týystarynyń kelisimi jáne meditsinalyq uiymdardyń úilesimdi jumysy arqasynda júrek, baýyr, eki búirek jáne eki móldirqabyq (rogovitsa) retsipientterge qondyryldy. Úderis tolyqtai Transplantatsiia jáne joǵary tehnologiialyq meditsinalyq qyzmetterdi úilestirý jónindegi respýblikalyq ortalyqtyń baqylaýymen júrgizildi.
Astana
Astananyń kópbeiindi meditsinalyq ortalyǵynda 1977 jyly týǵan donordan kóp aǵzalyq alý jasaldy.
• Baýyr – 1976 jyly týǵan patsientke,
• Oń jáne sol búirek – 1987 jáne 1994 jyly týǵan eki patsientke transplantattaldy.
Operatsiialardy Ulttyq ǵylymi onkologiia ortalyǵynyń mamandary oryndady.
Almaty
Almatyda 50 jastaǵy áielden midyń ólimi anyqtalǵannan keiin kóp aǵzalyq donorlyq alyndy. Otbasy kelisim bergen soń qalada alǵashqy júrek transplantatsiiasy jasaldy.
• Júrek – júrek jetkiliksizdigi bar 34 jastaǵy patsientke qondyryldy.
Sonymen qatar:
• Oń búirek – 15 jastaǵy patsientke,
• Sol búirek – 30 jastaǵy áielge A.N. Syzǵanov atyndaǵy ortalyqta,
• Eki móldirqabyq – Almatynyń Ortalyq qalalyq klinikalyq aýrýhanasynda retsipientterge transplantattaldy.
Júrek transplantatsiiasyn Qalalyq kardiologiialyq ortalyq pen Astanadan arnaiy kelgen UMC mamandary birlesip júzege asyrdy.
Densaýlyq saqtaý ministrligi donorlardyń otbasylaryna alǵys bildirip, mundai sheshimder jyldar boiy aǵza kútken adamdarǵa ómirdi qaita bastaý múmkindigin syilaitynyn atap ótti.
