فوتو: قر دسم
الماتى مەن استانادا ٶتكەن اپتادا ەكٸ قايتىس بولعاننان كەيٸنگٸ دونورلىق پروتسەسس جٷزەگە اسىپ, بٸرنەشە كٷردەلٸ ترانسپلانتاتسييا سەتتٸ ورىندالدى. نەتيجەسٸندە كٷتۋ پاراعىندا تۇرعان التى قازاقستاندىقتىڭ ٶمٸرٸ ساقتالىپ قالدى, دەپ حابارلايدى Ult.kz.
دونورلاردىڭ تۋىستارىنىڭ كەلٸسٸمٸ جەنە مەديتسينالىق ۇيىمداردىڭ ٷيلەسٸمدٸ جۇمىسى ارقاسىندا جٷرەك, باۋىر, ەكٸ بٷيرەك جەنە ەكٸ مٶلدٸرقابىق (روگوۆيتسا) رەتسيپيەنتتەرگە قوندىرىلدى. ٷدەرٸس تولىقتاي ترانسپلانتاتسييا جەنە جوعارى تەحنولوگييالىق مەديتسينالىق قىزمەتتەردٸ ٷيلەستٸرۋ جٶنٸندەگٸ رەسپۋبليكالىق ورتالىقتىڭ باقىلاۋىمەن جٷرگٸزٸلدٸ.
استانا
استانانىڭ كٶپبەيٸندٸ مەديتسينالىق ورتالىعىندا 1977 جىلى تۋعان دونوردان كٶپ اعزالىق الۋ جاسالدى.
• باۋىر – 1976 جىلى تۋعان پاتسيەنتكە,
• وڭ جەنە سول بٷيرەك – 1987 جەنە 1994 جىلى تۋعان ەكٸ پاتسيەنتكە ترانسپلانتاتتالدى.
وپەراتسييالاردى ۇلتتىق عىلىمي ونكولوگييا ورتالىعىنىڭ ماماندارى ورىندادى.
الماتى
الماتىدا 50 جاستاعى ەيەلدەن ميدىڭ ٶلٸمٸ انىقتالعاننان كەيٸن كٶپ اعزالىق دونورلىق الىندى. وتباسى كەلٸسٸم بەرگەن سوڭ قالادا العاشقى جٷرەك ترانسپلانتاتسيياسى جاسالدى.
• جٷرەك – جٷرەك جەتكٸلٸكسٸزدٸگٸ بار 34 جاستاعى پاتسيەنتكە قوندىرىلدى.
سونىمەن قاتار:
• وڭ بٷيرەك – 15 جاستاعى پاتسيەنتكە,
• سول بٷيرەك – 30 جاستاعى ەيەلگە ا.ن. سىزعانوۆ اتىنداعى ورتالىقتا,
• ەكٸ مٶلدٸرقابىق – الماتىنىڭ ورتالىق قالالىق كلينيكالىق اۋرۋحاناسىندا رەتسيپيەنتتەرگە ترانسپلانتاتتالدى.
جٷرەك ترانسپلانتاتسيياسىن قالالىق كارديولوگييالىق ورتالىق پەن استانادان ارنايى كەلگەن UMC ماماندارى بٸرلەسٸپ جٷزەگە اسىردى.
دەنساۋلىق ساقتاۋ مينيسترلٸگٸ دونورلاردىڭ وتباسىلارىنا العىس بٸلدٸرٸپ, مۇنداي شەشٸمدەر جىلدار بويى اعزا كٷتكەن ادامدارعا ٶمٸردٸ قايتا باستاۋ مٷمكٸندٸگٸن سىيلايتىنىن اتاپ ٶتتٸ.
