Foto: Stan.kz
Túrkistanda 3 jasar qyzy men 4 jasar ulyn óltirdi degen kúdikke ilingen kelinshekke qatysty sot otyrysy ótti, dep habarlaidy «Ult aqparat» Stan.kz-ke sálteme jasap.
Sottalýshy 30 jastaǵy Bota Hamitova biyl aqpan aiynda Shymkent qalasyndaǵy qonaq úide ustalǵan edi. Ol Qyzyloda oblysy, Shieli aýdanynda bastaýysh synyp muǵalimi bolyp jumys istegen.
“6-aqpan kúni túste jumysynan shyqqan bette balalaryn alyp, Túrkistan qalasyna kelgen. Saparyn aldyn ala josparlaǵan áiel 10 myń teńgege kólik te jaldap qoiǵan jáne aldyn ala tańdalǵan jaldamaly páterge jol tartqan. Túngi saǵat on birler shamasynda oiyn saýyq ortalyǵyna balalaryn aparǵan áiel, birer saǵattan soń sol mańdaǵy páterge keledi. Aldymen balalaryn uiyqtatyp, keiin qyzyn jáne ulyn kezekpen dálizge shyǵaryp, tunshyqtyrǵan. Sóitip, túngi birde balalardy óltirip, ózine de qol salmaq bolady. Alaida oiynan ainyp, tańerteń Shymkentke shyǵyp ketedi”, – delingen sot aktisinde.
Aiyptalýshy qylmysty kúieýi kóńil bólmegesin, josparlap jasaǵanyn aitqan eken. Al, onyń advokaty esi durys adam balalaryn óltirmeidi dep psihiatriialyq saraptama taǵaiyndaýdy surady.
“Jas balasyn eshqandai ana óltirýi múmkin emes. Ol úlken suraq. Qoǵamnyń aldynda turǵan úlken másele. Osyǵan qatysty. Bul bir emes, eki emes birneshe ret keshendi saraptamadan ótse durys dep túsinemiz. Jan-jaqty sot psihiatrialyq saraptama taǵaiyndaýyńyzdy suraimyz”, – deidi Ainagúl Rústemova.
Sotqa kúdikti áieldiń kúieýi jábirlenýshi retinde qatysty.
Eske salsaq, buǵan deiin Túrkistan qalasynyń jaldamaly páterleriniń birinen eki jas balanyń denesi tabylǵany týraly jazǵan edik. Qos búldirshindi óltirdi degen kúdikke ilingen balalardyń anasy Shymkent qalasynda ustalǵan edi.
