Reseidiń Lipetsk oblysynda stýdent óz ákesin óltirýdi eki ai boiy josparlaǵan. Ol jaqyn dosynan kómek surap, máiitti jasyrýǵa kómektesýin ótingen. Tergeý nusqasy boiynsha, Artiom ákesine pyshaq jumsaǵan, al Dima oq atqan, dep habarlaidy ult.kz kznews.kz saityna siltep.
Life dereginshe, Lipetsk tehnikalyq ýniversitetiniń 18 jastaǵy stýdenti Artiom ákesin qatygezdikpen óltirý josparyn kópten beri oilastyryp júrgen. Onyń dosy Dima da kómektesýge kelisken. Ekeýi qarý satyp alyp, ony atys qarýyna uqsatyp qaita jabdyqtaǵan, sondai-aq pyshaq alǵan.
22 mamyr, juma kúni shamamen saǵat 17:00-de Aleksei esimdi er adam ulyn jataqhanadan alyp ketý úshin kelgen. Alaida kólikke Artiom dosymen birge otyrǵan. Jolǵa shyqqannan keiin shamamen 20 minýt ótkende, jigitter kólik ishinde er adamǵa shabýyl jasaǵan. Er adam qarsylyq kórsetkenimen, Dima oǵan birneshe ret oq atqan, al Artiom pyshaq suqqan.
Keiin olar marqumnyń denesin joldan shamamen 500 metr jerdegi ormanǵa aparyp tastaǵan. Kólikti sol mańda qaldyrǵan. Dima úiine ketken, al Artiom jataqhanaǵa oralǵan.
Izdeý jumystary kezinde tergeýshiler Dimadan jaýap alǵan. Ol qatty qobaljyp, kolledjde tájiribede bolǵanyn aityp ótirik aitqan. Alaida keiin bárin moiyndaǵan. Artiom sál keiinirek ustaldy. Jaýap alý kezinde ol qylmysyna ókinbeitinin, kerisinshe, tez áshkere bolǵany úshin josparynyń nashar qurylǵanyna qynjylatynyn aitqan.
Qazir isti óńirlik prokýratýra men Tergeý komiteti qarap jatyr.
Kúdiktiler burynnan tanys bolǵan. Ekeýi Speshnevo-Ivankovskoe aýylynda ósip, bir synypta oqyǵan. Mektepti bitirgennen keiin ártúrli oqý oryndaryna túsken, biraq sabaqtan bos ýaqyttarynda kezdesip turǵan.
