رەسەيدٸڭ ليپەتسك وبلىسىندا ستۋدەنت ٶز ەكەسٸن ٶلتٸرۋدٸ ەكٸ اي بويى جوسپارلاعان. ول جاقىن دوسىنان كٶمەك سۇراپ, مەيٸتتٸ جاسىرۋعا كٶمەكتەسۋٸن ٶتٸنگەن. تەرگەۋ نۇسقاسى بويىنشا, ارتيوم ەكەسٸنە پىشاق جۇمساعان, ال ديما وق اتقان, دەپ حابارلايدى ult.kz kznews.kz سايتىنا سٸلتەپ.
Life دەرەگٸنشە, ليپەتسك تەحنيكالىق ۋنيۆەرسيتەتٸنٸڭ 18 جاستاعى ستۋدەنتٸ ارتيوم ەكەسٸن قاتىگەزدٸكپەن ٶلتٸرۋ جوسپارىن كٶپتەن بەرٸ ويلاستىرىپ جٷرگەن. ونىڭ دوسى ديما دا كٶمەكتەسۋگە كەلٸسكەن. ەكەۋٸ قارۋ ساتىپ الىپ, ونى اتىس قارۋىنا ۇقساتىپ قايتا جابدىقتاعان, سونداي-اق پىشاق العان.
22 مامىر, جۇما كٷنٸ شامامەن ساعات 17:00-دە الەكسەي ەسٸمدٸ ەر ادام ۇلىن جاتاقحانادان الىپ كەتۋ ٷشٸن كەلگەن. الايدا كٶلٸككە ارتيوم دوسىمەن بٸرگە وتىرعان. جولعا شىققاننان كەيٸن شامامەن 20 مينۋت ٶتكەندە, جٸگٸتتەر كٶلٸك ٸشٸندە ەر ادامعا شابۋىل جاساعان. ەر ادام قارسىلىق كٶرسەتكەنٸمەن, ديما وعان بٸرنەشە رەت وق اتقان, ال ارتيوم پىشاق سۇققان.
كەيٸن ولار مارقۇمنىڭ دەنەسٸن جولدان شامامەن 500 مەتر جەردەگٸ ورمانعا اپارىپ تاستاعان. كٶلٸكتٸ سول ماڭدا قالدىرعان. ديما ٷيٸنە كەتكەن, ال ارتيوم جاتاقحاناعا ورالعان.
ٸزدەۋ جۇمىستارى كەزٸندە تەرگەۋشٸلەر ديمادان جاۋاپ العان. ول قاتتى قوبالجىپ, كوللەدجدە تەجٸريبەدە بولعانىن ايتىپ ٶتٸرٸك ايتقان. الايدا كەيٸن بەرٸن مويىنداعان. ارتيوم سەل كەيٸنٸرەك ۇستالدى. جاۋاپ الۋ كەزٸندە ول قىلمىسىنا ٶكٸنبەيتٸنٸن, كەرٸسٸنشە, تەز ەشكەرە بولعانى ٷشٸن جوسپارىنىڭ ناشار قۇرىلعانىنا قىنجىلاتىنىن ايتقان.
قازٸر ٸستٸ ٶڭٸرلٸك پروكۋراتۋرا مەن تەرگەۋ كوميتەتٸ قاراپ جاتىر.
كٷدٸكتٸلەر بۇرىننان تانىس بولعان. ەكەۋٸ سپەشنەۆو-يۆانكوۆسكوە اۋىلىندا ٶسٸپ, بٸر سىنىپتا وقىعان. مەكتەپتٸ بٸتٸرگەننەن كەيٸن ەرتٷرلٸ وقۋ ورىندارىنا تٷسكەن, بٸراق ساباقتان بوس ۋاقىتتارىندا كەزدەسٸپ تۇرعان.
