Kanadanyń Kalgari qalasynda konkimen júgirý sportynan ótken halyqaralyq týrnir aiaqtaldy, dep habarlaidy QazAqparat tilshisi.
Jarysta 27 jastaǵy qazaqstandyq sportshy Ekaterina Aidova 1 500 metr qashyqtyqty 1.53.53 ýaqytymen eńserip, Qazaqstannyń rekordyn jańartty. Ári týrnirdiń jeńimpazy atandy.
Erler arasyndaǵy jarysta Qazaqstannan barǵan Aleksandr Klenko segizinshi, Demian Gavrilov - 11, Dmitrii Morozov - 14, Vitalii Shigolev - 16, al Ivan Arjanikov 25-orynmen shekteldi. Jalpy jarysta Gavrilov qurama qorjynyna taǵy bir altyn medal saldy.
Buǵan deiin Dmitrii Morozov osy týrnirdiń 5 myń metr jarysynda márege birinshi kelgen. Týrnir qorytyndysy boiynsha, Aidova «Úzdik sheteldik sportshy» syilyǵyn aldy.
Eske sala keteiik, Klenko men Aidova buǵan deiin kúmis medalge ie bolǵan edi. Onyń aldynda, Ekaterina Aidova AQSh-tyń Solt-Leik-Siti qalasynda ótken konkimen júgirýden álem kýboginde de Qazaqstan rekordyn jańartqan bolatyn.
