eGov.kz portalynda transplantatsiia úshin tinderdi nemese múshelerdi syiǵa tartýǵa kelisim berý nemese bas tartý boiynsha onlain qyzmet qol jetimdi, dep habarlaidy "Ult aqparat" Ulttyq aqparattyq tehnologiialar» AQ baspasóz qyzmetine silteme jasap.
Qyzmetti alý úshin elektrondyq úkimet portalynda, «Densaýlyq saqtaý» bóliminde avtorlaný qajet, «Transplanttaý maqsatynda qaitys bolǵannan keiin onyń tinderin (tinniń bóligin) jáne (nemese) aǵzalaryn (aǵzalardyń bóligin) alý múmkindigi týraly kózi tirisinde erikti túrde qaiyrmaldyqqa kelisimdi nemese kelisimdi qaitaryp alýdy tirkeý» qyzmetin tańdaý qajet. Budan ári paidalanýshy «Kelisimdi qaitaryp alýdy tirkeý» nemese «Kelisimdi tirkeý» ótinish túrin tańdaidy.
«Mamyr aiynda zańǵa túzetý engizildi, ol halyq arasynda úlken qoldaý tapty. Búgin halyqpen keri bailanysty eskere otyryp, organdardy alýǵa kelisimdi resimdeýge nemese bas tartýǵa múmkindik beretin qyzmet ázirlendi. Buryn bul úshin siz tirkelgen emhanaǵa baryp, ótinish jazý qajet bolatynsyz, qazir úiden shyqpai-aq rásimdei alasyz», - dep túsindirdi «Ulttyq aqparattyq tehnologiialar» AQ Basqarma tóraǵasy Áset Turysov.
Kelisimdi tirkegen jaǵdaida, paidalanýshylardyń transplanttaý maqsatynda belgili bir organdardy tańdaý múmkindigi bar, olar eGov.kz portaly arqyly ótinim bergen kezde kórsetiledi.
