Dándi jáne dándi-burshaqty daqyldardyń 95 paiyzy jinaldy. Bul týraly búgin Úkimet otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Osy jyly egin jinaý jumystary ýaqtyly bastaldy. Bul rette egin jinaý naýqanynyń qarqyny byltyrǵydan joǵary. Máselen, búgingi kúni respýblika boiynsha barlyǵy 15,1 mln gektar dándi jáne dándi-burshaqty daqyldar nemese olardyń jalpy alańynyń 95 paiyzy jinaldy. Al ótken jyly osyndai ýaqytta 14,5 mln gektar nemese 91,5 paiyz jinalǵan bolatyn», - dedi ministr.
Onyń atap ótýinshe, búgingi kúni ortasha túsimdilik gektaryna 9,4 tsentnerdi qurady.
«Budan basqa, maily daqyldar, kókónister, kartop, baqsha daqyldary men maqta jinaý jumystary júrgizilip jatqandyǵyn atap ótken jón», - dedi ol.
