24 qyrkúiektegi jaǵdai boiynsha 15,4 mln gektar (96,8%) jerdegi dándi jáne dándi-burshaqty daqyl oryldy, dep habarlaidy "Ult aqparat".
«Ortasha ónimdilik gektaryna 9,6 tsentnerden ainalyp, 14,8 mln tonna astyq jinaldy. Onyń 11,6 mln tonnasy bidai. Sondai-aq 616,7 myń tonna maily daqyl, 2,9 mln tonna kartop, 4,1 mln tonna kókónis, 2,6 mln tonna baqsha daqyldary jinaldy. Astyq egetin negizgi aimaqtar – Aqmola, Qostanai jáne Soltústik Qazaqstan oblystarynda 11,5 mln gektar egis alqaby oryldy. Bul jinalýy tiis jalpy alańnyń 98,9%-y. Ortasha ónimdilik gektaryna 8,8 tsentnerden ainalyp, 10 mln tonna astyq bastyryldy», - delingen Aýyl sharýashylyǵy ministrligi málimetinde.
Naqtylanǵan derek boiynsha, respýblikada syiymdylyǵy 29,3 mln tonna astyqty saqtaityn múmkindik bar. Onyń ishinde astyq qabyldaý kásiporyndarynda 12,4 mln tonna, fermerlerde 16,9 mln tonna astyq saqtaityn oryn jasaqtalǵan.
«2021 jylǵy egin jinaý naýqany aiaqtalýǵa jaqyn jáne qarqyny byltyrǵydan joǵary. Jiyn-terim jumystaryna qatysty barlyq másele ministrliktiń baqylaýynda», - dep atalyp ótken vedomstvo habarlamasynda.
