Jaiyq ózenindegi sý tutyný júktemesin azaitý úshin Edil ózeni arqyly Reseiden alynatyn sýdyń kólemi kóbeitildi. QR Ekologiia, geologiia jáne tabiǵi resýrstar ministri Serikqali Brekeshev Májilis qabyrǵasyndaǵy parlamenttik tyńdaýda osyndai málimet keltirdi, dep habarlaidy QazAqparat.
«Jaiyq-Kaspii basseini boiynsha ásirese sý az jyldary kerekti sý jiberý úshin Resei Federatsiiasy men Qazaqstandaǵy gidrotehnikalyq qurylystardyń jumysy sinhrondalady. Qazaqstan-Resei baǵdarlamasy Jaiyq basseinindegi ekologiiany saýyqtyryp, sý sapasyn jasqartady dep kútip otyrmyz», - dedi Serikqali Brekeshev.
Sondai-aq ol Qaraózen men Saryózenniń boiyna sý qoimasyn salý jumystary bastalǵanyn jetkizdi.
«Sý az jyldary Edilden Saryózen men Qaraózenge quiylatyn sý kólemi kóbeidi. Osy ózenderde sý qoimalarynyń qurylysy jobalanyp jatyr», - dedi ministr.
