جايىق ٶزەنٸندەگٸ سۋ تۇتىنۋ جٷكتەمەسٸن ازايتۋ ٷشٸن ەدٸل ٶزەنٸ ارقىلى رەسەيدەن الىناتىن سۋدىڭ كٶلەمٸ كٶبەيتٸلدٸ. قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ مەجٸلٸس قابىرعاسىنداعى پارلامەنتتٸك تىڭداۋدا وسىنداي مەلٸمەت كەلتٸردٸ, دەپ حابارلايدى قازاقپارات.
«جايىق-كاسپيي باسسەينٸ بويىنشا ەسٸرەسە سۋ از جىلدارى كەرەكتٸ سۋ جٸبەرۋ ٷشٸن رەسەي فەدەراتسيياسى مەن قازاقستانداعى گيدروتەحنيكالىق قۇرىلىستاردىڭ جۇمىسى سينحروندالادى. قازاقستان-رەسەي باعدارلاماسى جايىق باسسەينٸندەگٸ ەكولوگييانى ساۋىقتىرىپ, سۋ ساپاسىن جاسقارتادى دەپ كٷتٸپ وتىرمىز», - دەدٸ سەرٸكقالي برەكەشەۆ.
سونداي-اق ول قاراٶزەن مەن سارىٶزەننٸڭ بويىنا سۋ قويماسىن سالۋ جۇمىستارى باستالعانىن جەتكٸزدٸ.
«سۋ از جىلدارى ەدٸلدەن سارىٶزەن مەن قاراٶزەنگە قۇيىلاتىن سۋ كٶلەمٸ كٶبەيدٸ. وسى ٶزەندەردە سۋ قويمالارىنىڭ قۇرىلىسى جوبالانىپ جاتىر», - دەدٸ مينيستر.
