Eýraziialyq ekonomikalyq odaq elderiniń jalpy ishki ónimi 2021 jyldyń 6 aiynda 4,5 paiyzǵa ósti. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Odaq memleketteri ekonomikasynyń birtindep qalypqa túsip kele jatqandyǵy da qýantady. Eýraziialyq ekonomikalyq komissiia málimetterine sáikes, osy jyldyń birinshi jartyjyldyǵynda odaq elderiniń jalpy ishki óniminiń ósimi 4,5 paiyzdy qurady. Jiyntyq jalpy ishki ónim 900 mlrd dollarǵa jýyqtap qaldy», - dedi Qasym-Jomart Toqaev Joǵary Eýraziialyq ekonomikalyq keńes otyrysynda.
Degenmen, Qazaqstan Prezidenti mundai jetistikterdiń bar ekendigine qaramastan syrtqy táýekelder men belgisizdik faktory áli de joǵary qalyp otyrǵandyǵyn basa aitty.
