QR Premer-Ministri Asqar Mamin Eýraziialyq úkimetaralyq keńestiń (EÚAK) otyrysyna beinekonferentsiia bailanysy rejiminde qatysty, dep habarlaidy "Ult aqparat" primeminister.kz saityna silteme jasap.
QR Úkimetiniń basshysy COVID-19 taralýymen kúresý, ekonomikany turaqtandyrý, turǵyndar men biznesti qoldaý boiynsha qabyldanyp jatqan sharalar týraly aityp berdi. Bul rette, ulttyq ekonomikalar deńgeiinde ǵana emes, Eýraziialyq ekonomikalyq odaq (EAEO) aiasynda da daǵdarysqa qarsy sharalardy odan ári qabyldaý qajettigin atap ótti.
Premer-Ministr AÓK ónimderi men birinshi qajettiliktegi taýarlar importyn almastyrý jáne azyq-túlikpen ózin-ózi tolyq qamtamasyz etý arqyly EAEO-nyń ózin-ózi qamtýyn kúsheitýi qajettigin aitty.
Úkimet basshysy EAEO-ǵa qatysýshy elderdiń ekonomikalarynyń qazirgi jáne áleýetti básekeli artyqshylyqtarynyń negizinde óndiristik protsesterdi óńirlendirýdiń, Ońtústik-Shyǵys Aziia, Qytai jáne basqa aimaqtardan kóshiriletin óndiristik aktivterdi tartý boiynsha birlesken tásilderdi ázirleýdiń, jańa ótkizý naryqtarymen bailanysty qalyptastyrýdyń, tsifrlyq tehnologiialar men jasandy zerdeni qarqyndy túrde damytý úshin qolaily jaǵdailardy belsendi qalyptastyrýdyń mańyzdylyǵyn atady.
«EAEO uzaq merzimdi turaqtylyǵy saýda úrdisteriniń turaqtylyǵyna tikelei bailanysty. Osyǵan bailanysty bizge odaq aiasynda jasalatyn taýarlar men qyzmetterdiń basymdyǵyn eskerýmen aimaqtyq saýda-sattyqtaǵy tásilderdi birlesip qaita qarastyrý qajet», — dedi A. Mamin.
Premer-Ministr ózara saýdadaǵy kedergilerdi júieleý jáne odan ári joiý boiynsha birlesken jumysty kúsheitý qajet ekenin atap ótti.
«Qazirgi ekonomikalyq daǵdarys bizdiń ekonomikalarymyz úshin syn-tegeýrin ǵana emes, múmkindik te bolyp otyr. EAEO aiasyndaǵy birlesken jumys daǵdarys saldaryn jumsartýǵa ǵana emes, EAEO aiasynda qurylatyn baǵanyń uzaqmerzimdi ósýi men básekege qabilettiligin damytýdyń irgeli faktorlaryn qalyptastyrý úshin jaǵdailar jasaýǵa múmkindik beredi», — dedi Asqar Mamin.
Sonymen qatar, otyrysqa Resei Federatsiiasynyń Premer-Ministri Mihail Mishýstin, Belarýs Premer-Ministri Sergei Rýmas, Moldova Premer-Ministri Ion Kiký, Qyrǵyzstan Premer-Ministri Mýhammedkalyi Abylgaziev, Armeniia Respýblikasynyń Premer-Ministri Nikol Pashinian jáne Eýraziialyq ekonomikalyq komissiia alqasynyń tóraǵasy Mihail Miasnikovich qatysty.
Otyrysqa qatysýshylar Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttary jobasyn daiyndaý boiynsha jumys barysyn, arnaiy qorǵaý, dempingke qarsy jáne ótemdik sharalardy qoldaný tetikterin jetildirý, elektrondyq saýdany damytý, ulttyq aqparattyq júielerdi jedel integratsiialaý jáne basqa da máselelerdi qarady.
Taraptar EAEO múshe memleketterdiń aýmaǵyndaǵy tez buzylatyn ónimder eksportyn rásimdeýdi taýardyń shyǵýynyń seriialyq sertifikaty júiesin engizý arqyly jeńildetý týraly kelisimge keldi. Bul shara EAEO elderinde taýarlardyń shyqqan jerin rastaityn qujattardy alýǵa jumsalatyn ýaqyt jáne materialdyq shyǵyndardy azaitýǵa múmkindik beredi. «Seriialyq» ónimniń shyqqan jeri týraly sertifikat birtekti, seriiamen shyǵarylatyn ónimderge 6 ai merzimge bir ret berile alady.
EÚAK otyrysynyń qorytyndysy boiynsha COVID-19 pandemiiasy jaǵdaiynda ekonomikalyq turaqtylyqty qamtamasyz etý jónindegi EAEO sharalaryn qosa alǵanda, birqatar sheshimder, tapsyrmalar jáne ókimder qabyldandy.
Qujat turǵyndardyń sanitarlyq-epidemiologiialyq qolailylyǵy salasynda ókiletti organdardyń ózara is-qimylyn kúsheitýdi, kedendik tasymaldaý bajdarynyń mólsherlemelerin ýaqytsha eseptemeý jáne kedendik rásimderdi ońailatý jolymen áleýmettik mańyzy bar taýarlardyń importy úshin «jasyl dáliz» qurýdy, úshinshi elderge asa mańyzdy taýarlardyń eksportyna biryńǵai ýaqytsha shekteýler engizýdi, saýdany jáne qolma-qol aqshasyz tólemderdi tsifrlandyrýdy yntalandyrýdy, virýsqa qarsy preparattar men vaktsinalar jasaý, olardyń jappai óndirisin jolǵa qoiý jónindegi birlesken is-sharalardy jáne basqa da sharalardy qarastyrady.
