Eýraziialyq ekonomikalyq odaq elderinde tirkelgen 424 kólik aiyp turaǵyna qoiyldy. Bul jaiynda QR Premer-Ministri Asqar Maminniń Senat depýtattarynyń saýalyna bergen jaýabynda aitylǵan, dep habarlaidy "Ult aqparat".
«Osy jyldyń qańtarynda Almaty qalasynda ótken Eýraziialyq úkimetaralyq keńes otyrysy barysynda armian tarapymen kelissózder ótkizilip, nátijesinde Armeniia aýmaǵynan Qazaqstan aýmaǵyna avtokólik quraldarynyń ótýi máselesin retteý, onyń ishinde tiisinshe aqparat almas boiynsha ekijaqty konsýltatsiiaǵa qatysty birlesken hattamaǵa qol qoiyldy. Armian tarapymen ýaǵdalastyqqa sáikes, elimizdiń Ishki ister ministrligi Armeniiada ýaqytsha turatyn tulǵa retinde tirkelip, 22 441 avtomobil satyp alǵan Qazaqstan azamattary jaily aqparat aldy. Qazirgi ýaqytta Armeniianyń quziretti organdardy «jeńildigi bar» avtomobilderdi tek óz elderiniń sheginde ǵana paidalanýdy qamtamasyz etý jáne olardyń Eýraziialyq ekonomikalyq odaqtyń ózge elderine tasymaldanýyna jol bermeý maqsatynda sheteldik azamattardyń atyna avtokólikterdi tirkeýge baqylaý sharalaryn kúsheitti», - dedi Úkimet basshysy.
Onyń atap ótýinshe, Qazaqstan tarapy Reseimen shekaralas oblystarda sheteldik nómiri bar kólikterdi elimizde júrgizý tártbin túsindirý úshin 13 politsiia beketin qurdy. Sonymen qatar osy jylydń qańtarynda Ádilet ministrligi aýmaqtyq ádilet organdaryna notarialdyq palatalarmen birlesip, Armeniia men Qyrǵyzstannan ákelingen avtokólikterge senimhat berý zańdylyǵyn tekserý jóninde komissiia qurý tapsyryldy.
«Túsindirý jumystaryn qosa alǵanda qabyldanǵan sharalar EAEO týraly shart talaptaryn buza otyryp elge avtokólik ákelý aǵynyn toqtatýǵa múmkindik berdi. Qazirgi ýaqytta IIM múddeli memlekettik organdarmen birge halyq arasynda sheteldik avtomobilderdi tirkeý qajettigi týraly túsindirý jumystaryn júrgizip jatyr. Osy maqsatta barlyq Arnaýly halyqqa qyzmet kórsetý ortalyqtarynda Osy jyldyń qańtar aiynyń sońynan berý politsiia qyzmetkerleri men memlekettik kirister organdarynyń mamandary otyrǵyzyldy. Olar azamattarǵa keńes berip, tirkeý úshin qujattar qabyldaidy. 1 naýryzǵa deiin AHQKO-lardan shamamen 5,5 myń azamat keńes aldy», - dedi Asqar Mamin.
Premer-Ministrdiń aitýynsha, aqpannyń 8-16 kúnderi aralyǵynda ishki ister organdary sot oryndaýshylarymen birge Jol júrisi erejesin buzǵany úshin tólenbegen aiyppuldardy memleket kirisine óndirip alýǵa baǵyttalǵan «Boryshker» jedel aldyn alý sharasy júrgizilgen. Nátijesinde 1 160 kólik iesinen memleket kirisine 337 mln teńge óndirilip alyndy jáne Jol júrisi erejesin buzǵandar ustalyp, kólikteri aiyp turaǵyna qoiyldy. Aiyp turaǵyna qoiylǵan 424 kólik EAEO elderinde tirkelgen.
«Júrgizýshilerge 251 mln teńge aiyppul tóleý týraly 28 447 uiǵarym, onyń ishinde EAEO elderinde tirkelgen kólikterdiń ielerine 62,8 mln teńgeniń 4 114 uiǵarym berildi. «Bir rettik» aktsiia men túsindirý jumystarynyń júrgizilgendigine qaramastan «ýaqytsha tirkeýden» 114, onyń ishinde armian nómirli 18 kólik qana ótti», - Asqar Mamin.
