«Atameken» UKP basqarma tóraǵasy Abylai Myrzahmetov EAEO elderindegi negizgi memorgandardyń aqparattyq júielerin jyldamyraq integratsiialaýǵa shaqyrdy, dep habarlaidy QazAqparat.
«EAEO-ǵa qatysýshy elder arasynda aqparattyq júielerdiń áli kúnge deiin integratsiialanbaǵany tańdandyrady. Atap aitqanda, tsifrlandyrý, taýarlardy tańbalaý sharlaryn aityp júrsek te negizgi memlekettik organdardyń ortaq bazasy joq. Áli kúnge deiin rásimder qaǵaz júzinde bekitilýde. Osy oraida kóterilip otyrǵan bul máselege airyqsha ekpin qoiýǵa shaqyramyn», - dedi A. Myrzahmetov «Atameken» UKP-daǵy Qazaqstannyń biznes-qoǵamdastyǵymen dialog alańynda bolǵan talqylaýda.
Budan buryn habarlanǵandai, Eýraziialyq ekonomikalyq komissiianyń básekelestik boiynsha Alqa múshesi (ministri) Serik Jumanǵarin EAEO aiasynda saýda erejelerin buzǵandar týraly aityp berdi.
Sonymen qatar ol kásipkerler úshin biraz kedergiler bar ekenin jáne olardyń jartysy zańdy bolsa, jartysy zańsyz ekenin atap ótti.
«Zańsyz kedergilermen qalai kúresýge bolady? Bul turǵyda quzyrly organǵa shaǵym túsirip, ol shaǵymdar komissiiaǵa shyǵarylady. Kedergi jasap otyrǵan memleketke qatysty sheshim qabyldanady. Bul sheshimdi olar úsh aidyń ishinde oryndaýy tiis. Al oryndamasa, keńestiń qaraýyna usynamyz, másele joǵary deńgeide talqylanady», - dedi S. Jumanǵarin.
