«اتامەكەن» ۇكپ باسقارما تٶراعاسى ابىلاي مىرزاحمەتوۆ ەاەو ەلدەرٸندەگٸ نەگٸزگٸ مەمورگانداردىڭ اقپاراتتىق جٷيەلەرٸن جىلدامىراق ينتەگراتسييالاۋعا شاقىردى, دەپ حابارلايدى قازاقپارات.
«ەاەو-عا قاتىسۋشى ەلدەر اراسىندا اقپاراتتىق جٷيەلەردٸڭ ەلٸ كٷنگە دەيٸن ينتەگراتسييالانباعانى تاڭداندىرادى. اتاپ ايتقاندا, تسيفرلاندىرۋ, تاۋارلاردى تاڭبالاۋ شارلارىن ايتىپ جٷرسەك تە نەگٸزگٸ مەملەكەتتٸك ورگانداردىڭ ورتاق بازاسى جوق. ەلٸ كٷنگە دەيٸن رەسٸمدەر قاعاز جٷزٸندە بەكٸتٸلۋدە. وسى ورايدا كٶتەرٸلٸپ وتىرعان بۇل مەسەلەگە ايرىقشا ەكپٸن قويۋعا شاقىرامىن», - دەدٸ ا. مىرزاحمەتوۆ «اتامەكەن» ۇكپ-داعى قازاقستاننىڭ بيزنەس-قوعامداستىعىمەن ديالوگ الاڭىندا بولعان تالقىلاۋدا.
بۇدان بۇرىن حابارلانعانداي, ەۋرازييالىق ەكونوميكالىق كوميسسييانىڭ بەسەكەلەستٸك بويىنشا القا مٷشەسٸ (مينيسترٸ) سەرٸك جۇمانعارين ەاەو اياسىندا ساۋدا ەرەجەلەرٸن بۇزعاندار تۋرالى ايتىپ بەردٸ.
سونىمەن قاتار ول كەسٸپكەرلەر ٷشٸن بٸراز كەدەرگٸلەر بار ەكەنٸن جەنە ولاردىڭ جارتىسى زاڭدى بولسا, جارتىسى زاڭسىز ەكەنٸن اتاپ ٶتتٸ.
«زاڭسىز كەدەرگٸلەرمەن قالاي كٷرەسۋگە بولادى? بۇل تۇرعىدا قۇزىرلى ورگانعا شاعىم تٷسٸرٸپ, ول شاعىمدار كوميسسيياعا شىعارىلادى. كەدەرگٸ جاساپ وتىرعان مەملەكەتكە قاتىستى شەشٸم قابىلدانادى. بۇل شەشٸمدٸ ولار ٷش ايدىڭ ٸشٸندە ورىنداۋى تيٸس. ال ورىنداماسا, كەڭەستٸڭ قاراۋىنا ۇسىنامىز, مەسەلە جوعارى دەڭگەيدە تالقىلانادى», - دەدٸ س. جۇمانعارين.
