Eýraziialyq ekonomikalyq odaq aiasyndaǵy kedergilerdiń 80 paiyzy joiyldy. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Integratsiialyq protsesterdi tereńdetýdiń mańyzdy máseleleriniń biri – kedergilerdi, shekteýler men alymdardy kezeń-kezeńimen joiý. Bul turǵyda oń ilgerileýshilik bar. 2016 jyldan beri Eýraziialyq ekonomikalyq odaqtyń ishki naryǵynda bolǵan 68 kederginiń 54-i nemese 80 paiyzy joiyldy. Osy jyldyń aqpanynda áriptester mańyzdy qujattardyń birin – kedergilerdi jikteý ádistemesin bekitti. Endigi ýaqytta kedergilerdi jikteý protsesin qaraý bineske túsinikti nysanda reglamenttelgen. Eń bastysy - kóńilge qonymdy ýaqytta»,- dedi QR Prezidenti Joǵary Eýraziialyq ekonomikalyq keńestiń otyrysynda.
Qasym-Jomart Toqaev osymen toqtap qalmai aldaǵy ýaqytta da kedergilerdi joiýǵa baǵyttalǵan jumysty júrgizý mańyzdylyǵyn atap ótti.
