ەۋرازييالىق ەكونوميكالىق وداق اياسىنداعى كەدەرگٸلەردٸڭ 80 پايىزى جويىلدى. بۇل تۋرالى قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«ينتەگراتسييالىق پروتسەستەردٸ تەرەڭدەتۋدٸڭ ماڭىزدى مەسەلەلەرٸنٸڭ بٸرٸ – كەدەرگٸلەردٸ, شەكتەۋلەر مەن الىمداردى كەزەڭ-كەزەڭٸمەن جويۋ. بۇل تۇرعىدا وڭ ٸلگەرٸلەۋشٸلٸك بار. 2016 جىلدان بەرٸ ەۋرازييالىق ەكونوميكالىق وداقتىڭ ٸشكٸ نارىعىندا بولعان 68 كەدەرگٸنٸڭ 54-ٸ نەمەسە 80 پايىزى جويىلدى. وسى جىلدىڭ اقپانىندا ەرٸپتەستەر ماڭىزدى قۇجاتتاردىڭ بٸرٸن – كەدەرگٸلەردٸ جٸكتەۋ ەدٸستەمەسٸن بەكٸتتٸ. ەندٸگٸ ۋاقىتتا كەدەرگٸلەردٸ جٸكتەۋ پروتسەسٸن قاراۋ بينەسكە تٷسٸنٸكتٸ نىساندا رەگلامەنتتەلگەن. ەڭ باستىسى - كٶڭٸلگە قونىمدى ۋاقىتتا»,- دەدٸ قر پرەزيدەنتٸ جوعارى ەۋرازييالىق ەكونوميكالىق كەڭەستٸڭ وتىرىسىندا.
قاسىم-جومارت توقاەۆ وسىمەن توقتاپ قالماي الداعى ۋاقىتتا دا كەدەرگٸلەردٸ جويۋعا باعىتتالعان جۇمىستى جٷرگٸزۋ ماڭىزدىلىعىن اتاپ ٶتتٸ.
