Azamattardyń memlekettik organdarǵa júginý jumysyn jeńildetip, ótinimderdi baqylaý isin jetildiretin «E-Ótinish» aqparattyq júiesin daiyndaý jumysy aiaqtaldy, dep habarlaidy "Ult aqparat" QR Prezident ákimshiliginiń qoǵamdyq qabyldaýyna silteme jasap.
«Halyq únine qulaq asatyn memleket» tujyrymdamasyn iske asyrýda mańyzdy qural retinde aiqyndalǵan jobany Bas prokýratýra Prezident Ákimshiliginiń ótinishterin qaraýdy baqylaý jónindegi bólimimen birge ázirledi» delingen habarlamada.
Ótinishterge qatysty protsesterdi tsifrlandyrýdy qamtamasyz etetin aqparattyq júie:
- memlekettik organdardyń quzyretine qarai ótinishterdi avtomatty túrde bólýge;
- memlekettik organdar arasynda saýaldar sanyn ońtailandyrý esebinen ótinishterdi qaraý merzimin qysqartýǵa;
- ótinishterdi qaraýda barlyq saty men merzim boiynsha ótinish berýshini aqparattandyrýǵa;
- memlekettik organdarǵa túsken ótinishterdiń báriniń biryńǵai bazasyn qurýǵa múmkindik beredi.
Sonymen qatar, «E-Ótinish» aqparattyq júiesi ótinish berýshimen keri bailanys ustap, memlekettik organdardyń jumysyna baǵa berýge jol ashady.
Memlekettik organdardyń jaýabyna mindetti túrde júieli taldaý júrgizilip, bul jumys jaýapsyz qaldyrý isiniń aldyn alyp, naqty salada ótinishterdi qaraýdyń biryńǵai tájiribesin jolǵa qoiady.
Qazirgi ýaqytta «E-Ótinish» aqparattyq júiesiniń aprobatsiiasyna daiyndyq júrgizilýde. Biyl ony barlyq memlekettik organnyń jumysyna engizý josparlanǵan.
