2013 jyly dziýdodan álem chempionatynyń kúmis júldegeri Azamat Muqanov sporttyq karerasyn aiaqtaitynyn resmi málimdedi. Bul týraly ol Astanada ótip jatqan QR chempionatynda aitty, dep habarlaidy Baq.kz agenttigi.
"El chempionatynyń ashylýymen shyn júrekten quttyqtaimyn. Men ózimdi kók týdy kótergen sportshy retinde baqytty sezinemin. Osyndai múmkindik bergen Elbasy Nursultan Nazarbaevqa aitar alǵysym sheksiz. Mádeniet jáne sport ministrligine, Ulttyq olimpiada komitetine, Konfederatsiiaǵa, Qazaqstan dziýdo federatsiiasyna kóp rahmet. Sporttyq kareramdy aiaqtaimyn dep aita almaimyn, sebebi osy kúnge deiin jinaǵan tájiribemdi keleshek chemiondarǵa teńizge tamǵan tamshydai bolsa da úlesimdi qosqym keledi", - dedi dziýdoshy.
QR dziýdo federatsiiasynyń prezidenti Qairat Qojamjarov sportshyǵa Qazaqstan dziýdosyna úles qosqany úshin estelik kýbogyn tabystady. Sondai-aq, QR Mádeniet jáne sport ministri Arystanbek Muhamediuly Sport komitetiniń alǵys hatymen marapattady.
