Parijde (Frantsiia) dziýdodan reitingilik Grand Slam jarysynda el namysyn qorǵaityn dziýdoshylarymyzdyń alǵashqy qarsylastary belgili boldy, dep habarlaidy "Ult aqparat".
QR Ulttyq olimpiadalyq komiteti málim etkendei, búgin, iaǵni 8 aqpanda alaýy tutanǵan reitingilik Grand Slam jarysynda Qazaqstan quramasy da synǵa túsedi.
Nazarlaryńyzǵa qazaqstandyq sportshylardyń alǵashqy qarsylastaryn usynaiyq.
Atalǵan jarystyń birinshi kúninde erler 60, 66, 73 keli, áielder 48, 52, 57 jáne 63 kelige deiingi salmaq dárejelerinde ózara myqtyny anyqtaidy.
Erler: 60 kg Ǵusman Qyrǵyzbaev - Lenin Prekiado (Ekýador)/Diop Moýssa (Senegal) jubynyń jeńimpazy
Eldos Smetov – Mohammad Roshnonejad (IJF)/Bernadin Tsala Tsala (Kamerýn) jubynyń jeńimpazy
66 kg Eldos Jumaqanov – Strahinja Býnchich (Serbiia)
73 kg Bekádil Shaimerdenov – Mishel Bartýisik (Polsha)
Jansai Smagýlov – Viktor Sterpý (Moldova)
Áielder: Galbadrah Otgontsetseg – Gýlkader Sentýrk (Túrkiia)
Aqmaral Naýatbek – Monika Ýngýrianý (Rýmyniia)
52 kg Anna Kaziýlina – Penelop Bonna (Frantsiia)
57 kg Sevara Nishanbaeva – Marika Persich (Serbiia)
Esterińizge sala keteiik, osyǵan deiin atalǵan týrnirde el namysyn kimderdiń qorǵaityny týraly jazǵan bolatynbyz.
