Germaniianyń Diýsseldorf qalasynda ótip jatqan Grand Slam týrniriniń alǵashqy kúni qazaqstandyqtar júldesiz qaldy, dep habarlaidy "Ult aqparat".
Qazaqstan dziýdo federatsiiasy málim etkendei, búgin erler 60, 66, al áielder 48, 52 jáne 57 kelige deiingi salmaq dárejelerinde tatamige shyqty.
Anna Kaziýlina (52 kg) birinshi beldesýinde Perý sportshysynan jeńilip qaldy.
Erlerden Maǵjan Shamshadin men Dáýren Súieýkenov (ekeýi de – 60 kg) ekinshi ainalymda qarsylastaryna ese jiberdi.
Erlan Serikjanov 66 kg salmaqta aldymen Ziad Aýndy (IJF), sodan keiin Saini Ýaildy (Úndistan) tize búktirdi. Alaida shirek finaldyq joldama úshin beldesýde grýziialyq dziýdoshy Vaja Margvelashvilige ese jiberip, jarys jolynan shyǵyp qaldy.
Rio Olimpiadasynyń qola júldegeri Galbadrah Otgontsetseg densaýlyǵynyń syr berýine bailanysty bul jarysqa qatysa alǵan joq.
Eske sala keteiik, budan buryn «Grand Slam» týrniriniń alǵashqy kúni qazaqstandyq úsh balýannyń beldesýge shyǵatynyn jazǵan bolatynbyz.
