Belgili qazaqstandyq sportshy Móldir Mekenbaeva Birikken Arab Ámirlikteriniń astanasy Ábý-Dabi qalasynda djiý-djitsýdan ótken álem chempionatynda jeńimpaz atandy, dep habarlaidy "Ult aqparat".
Bul týraly 22 jastaǵy qazaqstandyq sportshy óziniń instagram-daǵy paraqshasynda jazdy.
«Biylǵy jyly álem chempionaty «nevaza» bólimi boiynsha Ábý-Dabide ótti. Úsh jarym jyldan soń men sol arenada, eń bedeldi jarysta altyn medalǵa ie boldym», - dep jazdy Móldir Mekenbaeva.
Aitýynsha, ol týrnirdiń favoritteri sanalatyn ataqty sportshylar óner kórsetken myqty topqa engen.
«JJIF halyqaralyq djiý-djitsý federatsiiasynyń reitinginde men birinshi orynda turdym, sondyqtan men alǵashqy ainalymnan avtomatty túrde óttim. Ekinshi jekpe-jekte kanadalyq sportshymen shyqtym. Ony jeńgenen keiin, 2017 jyldyń chempionymen kezdesemin dep oiladym. Alaida ol shvetsiialyq sportshydan jeńilip qaldy. Oilamaǵan jerden úshinshi jekpe-jekte Shvetsiia sportshysyn jeńip, finalǵa joldama aldym. Onda men reseidiń tájiribeli sportshysymen kúsh synastym. Finalda men qylqyndyrý ədisin qoldanyp, jeńimpaz atandym», - dep jazdy chempion.
Móldir Mekenbaevanyń aitýynsha, altynǵa qol jetkizý ońai emes. Ol úlken eńbekpen, jigerdi qajet etedi.
«Álem chempionatynda Qazaqstannyń ánuranyn shyrqatý úshin kóp kúsh jumsaisyń. Men baqyttymyn. Meni Alla Taǵala qoldady. Shúkir. Sportshynyń tuǵyrǵa shyǵyp, qolyn júreginiń tusyna qoiyp, óz eliniń ánuranyn birge oryndaý eń úlken baqyt. Bul kezdegi sezimdi sóben aityp jetkizý múmkin emes», - dep bólisti óz áserimen Móldir Mekenbaeva.
Aita ketý kerek, jaqynda ol braziliialyq djiý-djitsýdan qońyr belbeý iegeri atanǵan bolatyn.
