Búgin Astanaǵa tanymal gollivýd juldyzy, akter, prodiýser ári rejisser Djon Malkovich keldi, - dep habarlaidy kaz.tengrinews.kz tilshisi.
Ony halyqaralyq áýejaidan QR Mádeniet jáne sport vitse-ministri Asqar Batalov jáne "Eýraziia" HIII halyqaralyq kinofestivaliniń prezidenti Aiman Musaqojaeva kútip aldy.
"Eýraziia" HIII halyqaralyq kinofestivali óz jumysyn jalǵastyrýda. Birneshe kúnniń ishinde birqatar filmder legi qaraldy. Jobaǵa 101 film qatysyp jatyr. Al festival aiasynda jalpy 296 kartina usynyldy. Bizdiń kinoforýmǵa tanymal gollivýdtyq juldyzdar Nikolas Keidj, Edrian Broýdi qatysqan bolatyn. Al búgin tanymal gollivýd akteri Djon Malkovich aramyzǵa qosyldy. Ol kinofestivaldiń jabylý saltanatyna keldi, jeńimpazdardy marapattaý rásimine qatysatyn bolady. Men ony bizdiń talantty jastardy kino álemindegi jańa jetistikterge umtylýǵa jeteleitinine senemin", - dedi Aiman Musaqojaeva óz sózinde.
Tanymal akter Djon Malkovich Qazaqstanǵa osymen ekinshi ret kelip otyr. Birneshe jyl buryn ol Almatydaǵy Qazaqstan-Amerika birlesken kinofestivaline qatysqan bolatyn.
"Men Almatyda 2010 jyly boldym. Al bul jyly alǵash ret "Eýraziia" halyqaralyq kinofestivaline qatysatyn bolamyn. Búgin osy jerde bolǵanyma óte qýanyshtymyn. Aita ketý kerek, men qazaqstandyq kino jóninde az bilemin. Degenmen, Ermek Shynarbaev siiaqty qazaqstandyq tanymal kinorejisserlermen birneshe ret kezdesken bolatynmyn. Ol men qatysqan festivalde óz filmin usyndy" - deidi gollivýdtyq juldyz Djon Malkovich.
Esterińizge salsaq, "Eýraziia" kinofestivali óz jumysyn 2017 jyldyń 22 shildesinen bastady. Festival 28 shildege deiin sozylady.
