Respýblikalyq advokattar alqasy óz áriptesterine áleýmettik jelilerde advokattyń kásibi etikasyna qaishy keletin pikirlerdi bildirýden tartynýǵa keńes berdi, dep habarlaidy "Ult aqparat".
Respýblikalyq advokattar alqasynyń resmi saitynda jariialanǵan málimdemede Facebook áleýmettik jelisindegi pikirlerine bailanysty zańger Djohar Ótebekovti litsenziiadan aiyrýǵa emes, tártiptik jaýapkershilikke tartýǵa qatysty máseleni qaraý usynylǵany aitylǵan.
«Advokat ádildik pen zańdylyqqa qol jetkizý úshin óziniń kásibi bilimin, onyń ishinde sot tártibimen, zańdy shekten shyqpai paidalanýǵa múmkindik beretin barlyq quqyqtyq ádister men tásilderge ie ekendigine nazar aýdartamyz. Áleýmettik jelilerdegi advokattyń minez-qulqy kásiptik salada advokattyń ózge de áreketteri siiaqty barlyq talaptarǵa sai bolýy kerek», - delingen habarlamada.
