Álemge tanymal akter Djeki Chan qazaqstandyq ánshi Dimash Qudaibergenge óziniń úntaspasyn syiǵa tartty. Bul týraly ánshiniń ózi Instagram jelisindegi paraqshasynda jazdy.
Ánshi akterdiń kezdesken saiyn ózine syi jasaitynyn aitady. Bul joly da ol erekshe tartý jasap, batasyn bergen. Al Dimash Qudaibergen óz kezeginde qazaqtyń shapanyn syiǵa tartqan.
"Djeki aǵanyń qarapaiymdylyǵy týraly aitpasa da belgili. Bala kezden súiip ósken aktiorim maǵan árdaiym kóriskende batasyn berip, jol silteidi. Búgin aǵamyzdyń jańa úntaspasynyń tusaýkeserinde boldym. Qolymda - Djeki aǵanyń bergen syilyǵy. Dástúrimiz boiynsha qazaqstandyq zamanaýi shapandy kigizdim. Kóńilińizge, peiilińizge úlken rahmet. Kúlli álemdi aýzyna qaratqan kisi osynshalyq qarapaiym bolyp júrgendigi qatty qýantady. Uzaq ǵumyr tileimin", — dedi ánshi.
Osy ýaqytqa deiin kezdesken kezde Djeki Chan Dimashqa óziniń kúrtesin syiǵa tartyp, birge bi bilegen edi. Sondai-aq, olar Astana qalasynda ótken Qazaqstan-Qytai kinofestivaliniń ashylý saltanatynda birge án salǵan-dy.
