Foto:elements.envato.com
Eńbek jáne halyqty áleýmettik qorǵaý ministri Tamara Dúisenova ataýly áleýmettik kómekti (AÁK) alyp tastaý týraly usynysqa qatysty pikir bildirdi, - dep habarlaidy Tengrinews.kz.
"Ataýly áleýmettik kómekti toqtatý múmkin emes. Bizde kómek alatyn otbasylar bar. Jumys istei almaityn azamattar bar. Sondyqtan olarǵa arnaiy áleýmettik kómek kórsetilýi kerek. Degenmen depýtattarmen birge AÁK tetigin jetildirý jumystaryn júrgizip jatyrmyz. Buryn (AÁK) alǵan azamattar kelip, ózderi ótinish berip, keiin kómek alatyn", - dedi Dúisenova Úkimet kýlýarynda jýrnalister suraǵyna jaýap berip.
Ministr árbir otbasyn anyqtap, naqty áleýmettik kómek kórsetýdi qarastyrý kerek ekenin aitty.
"Jaqynda men depýtattarmen kezdesip, tsifrlyq kartany kórsettim. Qazir jumys istei almaityn, tabysy eń tómengi kúnkóris deńgeiinen tómen bireýdiń obektiv jáne sýbektiv sebepteri bar. Osyǵan qarap, naqty áleýmettik kómek kórsetý máselesin qarastyrý kerek ekenin túsindirdim", - dep túsindirdi ministr.
