Qazgidromet 26 shildege arnalǵan aýa raiy boljamyn jariialady, dep habarlaidy "Ult aqparat".
Antitsiklon jotasynyń áserinen Qazaqstan aýmaǵynyń basym bóliginde jaýyn-shashynsyz aýa raiy kútiledi. Tek elimizdiń soltústiginde, shyǵysynda jáne ortalyǵynda atmosferalyq frontaldy bólikterdiń ótýimen kei jerlerde naizaǵai, soltústik-shyǵysta burshaq jáne daýyldy jel soǵady.
Respýblika boiynsha kei jerlerde jeldiń kúsheiýi, ońtústik jáne ońtústik-batysta shańdy daýyl kútiledi.
Pavlodar oblysynyń kei jerlerinde naizaǵai oinap, jel 15-20 m/s kúsheiedi, kúndiz burshaq, daýyl kútiledi.
Túnde Aqmola, kúndiz Qaraǵandy oblystarynyń kei jerlerinde naizaǵai kútiledi, Qaraǵandy oblysynyń kei jerlerinde jel 15-20 m/s kúsheiedi. Shyǵys Qazaqstan oblysynyń kei jerlerinde naizaǵai jarqyldap, kúndiz jel 15-20 m/s kúsheiedi.
Kúndiz Túrkistan, Qyzylorda, Mańǵystaý oblystarynyń kei jerlerinde shańdy daýylmen jel 15-20 m/s kúsheiedi. Qostanai, Soltústik Qazaqstan, kúndiz Jambyl oblystarynyń kei jerlerinde jeldiń jyldamdyǵy 15-20 m/s jetedi.
Jambyl oblysynyń kei jerlerinde, Mańǵystaý, Almaty, Túrkistan, Shyǵys Qazaqstan oblysynyń kei jerlerinde, Qaraǵandy oblysynyń ońtústiginde aptap ystyq saqtalady.
Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Aqtóbe, Qaraǵandy oblystarynyń kei jerlerinde, Qostanai oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda tótenshe órt qaýpi týyndaidy.
