«Qazgidromet» RMK 9 cáýirge arnalǵan aýa raiy boljamyn usynady, dep habarlaidy "Ult aqparat".
Atmosferalyq aýa aǵyndarynyń ótýine bailanysty Qazaqstannyń basym bóliginde jaýyn-shashyn jaýady, tek ońtústik-batysta jaýyn-shashynsyz aýa raiy boljanady.
Respýblikanyń kei jerlerinde tuman, kóktaiǵaq kútiledi, jel kúsheiip, ońtústik-shyǵysta naizaǵai oinaidy, burshaq jaýýy múmkin.
Jambyl, Ońtústik Qazaqstan oblystarynyń kei jerinde jel 15-20 m/s kúsheiedi, túnde tuman túsedi. Ońtústik Qazaqstan, Qyzylorda oblystarynyń kei jerlerinde túnde 2 gradýsqa deiin úsik kútiledi.
Aqmola, Qaraǵandy, Shyǵys Qazaqstan, Soltústik Qazaqstan, Qostanai, Pavlodar, Mańǵystaý, Batys Qazaqstan, Almaty oblystarynda 15-20 m/s jyldamdyqpen jel soǵyp, tuman, kóktaiǵaq bolady.
