29 qazanda Qazaqstannyń basym bóliginde atmosferalyq aǵyndardyń ótýine bailanysty qubylmaly aýa raiy saqtalady, dep habarlaidy Qazgidromet.
Soltústik óńirlerde seldetip jaýyn jaýady, arty qarǵa ulasady. Tek elimizdiń ońtústik-batys, ońtústik jáne ońtústik-shyǵysynda kún raiy ashyq bolady. Sondai-aq kei jerlerde jel kúsheiip, tuman túsedi, soltústikte kóktaiǵaq bolyp, burqasyn soǵady.
Aqmola oblysynda jel jyldamdyǵy sekýndyna 15-20 metrge, kei jerlerde 23-28 metrge deiin údeidi, kei jerlerde qatty qar jaýady, túnde jáne tańerteń kei jerlerde tuman túsedi, kóktaiǵaq bolady, jaiaý burqasyn soǵady.
Qostanai, Soltústik Qazaqstan, Pavlodar, Qaraǵandy oblystarynda jel kúsheiedi, 15-20 m/s tipti 23-28 m/s deiin kúsheiedi. Kei jerlerde tuman túsip, kóktaiǵaq bolady. Sonymen qatar, Pavlodar, Qaraǵandy oblystarynyń kei jerlerinde burqasyn kútiledi.
Túnde Aqtóbe oblysynyń basym bóliginde, kúndiz kei jerlerinde, Shyǵys Qazaqstan, kúndiz Qyzylorda oblystarynda jel jyldamdyǵy15-25 m/s jetedi.
Jambyl, Túrkistan, Atyraý, Batys Qazaqstan, túnde Almaty oblystarynyń kei jerlerinde tuman túsedi, jeldiń jyldamdyǵy 15-20 m/s bolady.
