Foto:WNG2024 telegram
2024 jylǵy 13 qyrkúiek kúni saǵat 16:00-de Astana qalasyndaǵy «Etnoaýyl» ulttyq-mádeni kesheninde V Dúniejúzilik kóshpendiler oiyndarynyń jabylý saltanaty ótedi, dep habarlaidy "Ult Aqparat".
Jabylý saltanatynda Qazaqstannyń eńbek sińirgen qairatkerleri, halyqaralyq jáne respýblikalyq konkýrstardyń laýreattary, sonymen qatar tanymal qazaqstandyq estrada juldyzdary óner kórsetedi. Olardyń qatarynda Qaraqat Ábildina, Qairat Baekenov, Gúlsim Myrzabek, Marat Aitymbai, Madi Syzdyqov syndy oryndaýshylar bar. Shara barysynda estradalyq ánder men halyq kompozitorlarynyń shyǵarmalary oryndalady.
Saltanatqa «Naz» memlekettik bi teatry, Erkeǵali Rahmadiev atyndaǵy Memlekettik akademiialyq filarmoniia, Qyrǵyzstannan kelgen «Qambarqan» folklorly-etnografiialyq ansambli, sondai-aq «Melomen» toby qatysady.
Ár eki jyl saiyn ótkizilip otyratyn bul shara kóshpeli halyqtardyń etnikalyq sportyn jáne mádeni murasyn nasihattaýǵa arnalǵan. Kóshpendiler oiyndary arqyly ulttyq birlik, izgilik pen meiirimdilik qundylyqtary dáriptelip, kóshpendiler mádenietiniń jahandyq mańyzy kórsetiledi.
Biyl dúbirli dodaǵa álemniń 89 elinen 2430 qatysýshy keldi. Qazaqstan quramasynan 261 sportshy qatysyp, kóshpendiler oiyndarynda 21 sport túri boiynsha 97 medal jiyntyǵy sarapqa salynyp jatyr. Medaldiń jalpy sany – 581 dana. Qazirgi ýaqytta Qazaqstan quramasy medal sany boiynsha kósh bastap tur.
