Aýyl sharýashylyǵy ministri Erbol Qarashókeevtiń AQSh astanasy Vashingtonda ótken Dúniejúzilik bank basshylyǵymen kezdesý qorytyndysy boiynsha taraptar Dúniejúzilik Banktiń aýyl sharýashylyǵyn damytýǵa qoldaý kórsetý baǵdarlamasy (tehnikalyq kómek) boiynsha yntymaqtastyq týraly ýaǵdalasty, dep habarlaidy "Ult aqparat" vedomstvonyń baspasóz qyzmetine silteme jasap.
Dúniejúzilik bank múddeli elderge olardyń aǵymdaǵy saiasatyn qaita qaraý jáne qaita baǵdarlaý, sondai-aq aýyl sharýashylyǵyn qoldaý turǵysynda júzege asyrylatyn jáne naqty nusqalardy baǵalaýǵa qoldaý kórsetý úshin tehnikalyq kómek baǵdarlamasyn qurdy.
Baǵdarlama qazirdiń ózinde 13 elmen analitikalyq jumysta qoldaý kórsetý jáne reformalardyń tehnikalyq, ekonomikalyq jáne áleýmettik turǵydan júzege asyrylatyn nusqalaryn usyný úshin yntymaqtastyq ornatty. Aýyl sharýashylyǵy saiasatyn qaita qurý boiynsha kómek aiasynda bank turaqty aýyl sharýashylyǵyna kóshý boiynsha kúsh-jigerdi jumyldyrý maqsatynda jahandyq habardarlyqty arttyrý jáne konsensýs qalyptastyrý úshin joǵary deńgeidegi saiasi dóńgelek ústelder uiymdastyrady.
Aýyl sharýashylyǵy ministri Erbol Qarashókeev Dúniejúzilik bank basshylyǵymen kezdesýde 2021-2025 jyldarǵa arnalǵan AÓK damytýdyń Ulttyq jobasynyń basymdyqtary negizinde aýyl sharýashylyǵynyń ósýine, qorshaǵan ortaǵa áserdi barynsha azaitýǵa jáne azyq-túlik qaýipsizdigi men tamaqtaný salasynda neǵurlym joǵary nátijelerge qol jetkizýge baǵdarlanǵan ornyqty agrarlyq azyq-túlik júiesin qurýdy qoldaýǵa baǵyttalǵan granttyq qarajat esebinen Qazaqstanǵa 2 jylǵa eseptelgen tehnikalyq kómek kórsetý máselelerin talqylady.
Tehnikalyq kómek sheńberinde halyqaralyq sarapshylar QR Aýyl sharýashylyǵy ministrligimen birlesip, osy saladaǵy halyqaralyq tájiribeni eskere otyryp, sýbsidiialaý júiesine tereń taldaý júrgizedi, memlekettik qoldaýdyń tiimdi sharalary usynylady, qarjylyq qoldaý kórsetýge járdem kórsetiledi.
Sondai-aq, klimattyń ózgerýin, Qazaqstannyń keibir bóliginiń qýańshylyqqa ushyraýyn nazarǵa ala otyryp, Dúniejúzilik bank onyń aýyl sharýashylyǵyna áserin azaitý, basqarý jáne saldaryn jumsartý boiynsha tiimdi strategiia ázirleý jóninde birqatar usynymdar ázirledi.
Qazaqstandyq taraptyń sendirýi boiynsha, bul usynymdardy barlyq múddeli organdardyń tarapynan muqiiat zerdelenetin bolady.
Taraptar tehnikalyq kómek sheńberinde oń nátijelerge qol jetkizýge beiildiligin rastady, sondai-aq bailanystardyń joǵary dinamikasyn qoldaýǵa kelisti.
