Qazaqstanda A4 formataǵy keńse qaǵazy qymbattap jatyr.
Abdi keńse taýarlary jelisinde búginnen bastap Svetocopy qaǵazynyń qaptamasy 3 500 teńge turady. Buǵan deiin qaǵaz 3 myń teńgeden satylǵan. Bul 30 sáýirge deiin jalǵasady, ári qarai baǵa qalai ózgeretini belgisiz. Bir adamǵa bes qaptamadan artyq satylmaidy, dep habarlady dúken Sputnik Qazaqstan tilshisine.
Bul talap Abdi saitynda da saqtalǵan. Olx.kz saityndaǵy baǵa da osyndai – bir qaptama shamamen 4 myń teńge turady.
Keńse taýarlarynyń internet-dúkeninde "Snegýrochka" brendiniń qaǵazy bar, bir qaptama 4 myń teńge turady.
Buǵan deiin indýstriia jáne infraqurylymdyq damý ministri Qaiyrbek Óskenbaev Qazaqstanda qaǵaz ónimderiniń tapshylyǵy bolmaitynyn aitty. Bizdiń elge qaǵaz eń aldymen Reseiden, sodan keiin Túrkiia jáne Qytaidan jetkiziledi.
Ministr qazirgi importtaýshylarǵa qatysty kedergi týyndaǵan jaǵdaida Qazaqstannyń balamaly baǵyttary jetkilikti ekenin aitty.
"Bizde qaǵazdy kesý boiynsha óndiris bar, iaǵni orama qaǵaz ákelinedi, mundai eki zaýyt bar. Biz shikizatty osy elderden ákelemiz", - dedi ol.
Nelikten iri saýda jelileri qaǵaz baǵasyn birneshe ese kóteredi degen suraqqa Óskenbaev bul aqparatty arnaiy organdar tekseretinin aitty. Biraq nege baǵa kóterilgenin bilmeitinin jetkizdi.
"Baǵa nege qymbattap ketkenin bilmeimin. Keshe ǵana meniń tapsyrmam boiynsha Abdi dúkenderine kirdik. Olar 3000 teńgeden satsa, basqa dúkender 5-6 myń teńgeden satyp jatyr. Maǵan tańerten Abdi de baǵany kótergenin aitty. Tiisti organdar qaita tekseredi. Sebebi bul basqa organdardyń quzyretinde", - dedi ministr.
Naýryzdyń ortasynda Qazaqstanda qaǵaz shamamen 1 500 teńge turdy. Alty kún buryn quny 3-4 myń teńgege deiin, al jekelegen dúkenderde 6 myńǵa deiin jetken.
Mamandar tapshylyqty Qazaqstanda da, Reseide de qaǵaz óndirisi úshin shikizat jetkizýdegi irkilispen bailanystyrdy.
