QR Qarjy ministrliginiń Memlekettik kirister komiteti baqylaý-kassalyq mashina fiskaldyq chegin bermeý faktilerin anyqtaýǵa arnalǵan «Qoǵamdyq baqylaý – túbirtekti talap et» aktsiiasyn búginnen qaita bastady, dep habarlaidy "Ult aqparat".
Atalǵan vedomstvo baspasóz qyzmetiniń málimetinshe, «Qoǵamdyq baqylaý – túbirtekti talap et» aktsiiasyna kez-kelgen úmitker qatysa alady. Barlyq joldanǵan ótinishter memlekettik kirister organdarynda qaralady. App Store nemese Play market-ten «Wipon» mobildi qosymshasyn tegin júktep alyp, fiskaldy chekti bermeý buzýshylyq faktileri týraly habarlaýǵa bolady. Fiskaldy chekti bermeý faktisi rastalǵan jaǵdaida, telefonnyń teńgerimine (1000 teńge) syiaqy beriledi.
2019 jyly azamattardyń habarlaýy boiynsha aktsiia júrgizý barysynda 940 derek rastaldy, olarǵa 940 myń teńge somasynda syiaqy tólendi.
Memlekettik kirister komiteti Qazaqstan Respýblikasynyń barlyq azamattaryn ózderiniń azamattyq ustanymyn, zań buzýshylyqqa tózbeýge jáne «Qoǵamdyq baqylaý – túbirtekti talap et» aktsiiasyna belsendi túrde qatysýǵa shaqyrady.
