QR Densaýlyq saqtaý ministrliginiń Qoǵamdyq densaýlyq saqtaý komiteti tamaq ónimderiniń synamalaryn alyp, birqatar kásiporynda gigienalyq normativter men tehnikalyq reglamentterdiń buzylǵanyn anyqtady. Bul týraly komitettiń baspasóz qyzmetinen málim etti, dep habarlaidy "Ult aqparat".
Anyqtalǵandai, talapqa sai bolmai shyqqan azyq-túlik ónimderiniń deni Resei Federatsiiasynda óndirilgen.
Atap aitqanda, «SPK Kýrnikov» JShQ-nyń (RF) «Krestianskii» qus etinen jasalǵan tartylǵan et mikrobtyq kórsetkishter talabyna sai bolmaǵan. Synama úshin ónimder Atyraý oblysynyń saýda obektilerinen - № 9 qoimadan (Atyraý q., 1 k., 35 st.), «Damir» dúkeninen (Atyraý q., Kóktem, 16), sondai-aq «Arýjan» dúkeninen (Qulsary q., 5 ýchastke) satyp alyndy.
Budan bólek, «Damir» dúkeninen (Atyraý oblysy, Atyraý q., sh / a. Kóktem, 16) satyp alynǵan «Blagoiar» balapan-broiler san etiniń synamasy da sondai nátije kórsetti. Ol - «Stavropolskii broiler» JAQ (RF) ónimderi.
Osy kórsetkish boiynsha «Arva S. A.» JK azyq-túlik dúkeninen (Jambyl oblysy, Qordai aýdany, Masanchi aýyly, 32) satyp alynǵan «Gollandskii» balqytylǵan irimshik («Ak-Sút»» AAQ ónimi), «Bekarys» dúkeninen (Atyraý oblysy, Miialy aýyly, Qunanbaev kóshesi, 51) satyp alynǵan «Blagoiar» balapan-broiler qanaty («Injavinskaia ptitsefabrika» ónimi), «Sálem» dúkeninen (Atyraý oblysy, Inderbor aýyly, Aqjaiyq kóshesi) alynǵan balapan-broiler («Prioskole» JAQ ónimi) synamasy da qaýipsizdik talaptarynan óte almady.
Sonymen qatar, «Polina» dúkeninde (Aqmola oblysy, Atbasar aýdany, Atbasar qalasy, Jeńis kóshesi, 136) satylyp jatqan «KDV Iashkino» JShQ-nyń (RF) qulpynai djemi bar mini-krýassandarynyń mikrobtyq jáne zeń kórsetkishterinde sáikessizdik anyqtaldy. Al «Prodýkty pliýs» dúkeninen (Almaty oblysy, Taldyqorǵan qalasy, Qazaqstan kóshesi, 104) satyp alynǵan siyr etinen jasalǵan týrama ettiń synamasynan ishek taiaqshasy tobynyń bakteriialary anyqtaldy. Óndirýshi - «Alimbekov B.» jeke kásipkerligi (QR).
Sondai-aq, «Pikant» JShQ (RF) - № 9 qoimada (Atyraý oblysy, Atyraý q., 1 k., 35 bet) satyp alynǵan ystalyp-pisirilgen «Gýrman» oramasynyń synamasynda S. Aureus anyqtaldy. «PIK» JShQ (RF) - «Diar» dúkeninen (Atyraý oblysy, Mahambet aýdany, Mahambet aýyly, Esmaǵambetov kóshesi, 46) satyp alynǵan «Starorýsskaia» túiishikti ýyldyryq analogynyń synamasynda ashytqy anyqtaldy. Al «Bogorodskii miasopererabatyvaiýshii kombinat» JShQ (RF) - «Aelita» dúkeninen (Atyraý oblysy, Qurmanǵazy aýdany, Qurmanǵazy aýyly) satyp alynǵan «Vkýsno sytno» siyr etinen jasalǵan tushparanyń synamasynda ishek taiaqshasy tobynyń bakteriialary, jalpy mikrobtyq tuqymdaný kórsetkishiniń artýy anyqtaldy.
«Qazirgi ýaqytta saýda obektilerinen qaýipti ónimdi alyp tastaý boiynsha sharalar, sondai-aq ótkizýshilerge qatysty ákimshilik sipattaǵy sharalar qabyldanýda. Bul rette, komitet buzýshylyqtardyń týyndaýyna yqpal etetin sebepterdi anyqtaýǵa baǵyttalǵan birqatar epidemiiaǵa qarsy is-sharalardy júrgizedi. Dúken sórelerinde atalǵan sáikes kelmeitin ónimder anyqtalǵan jaǵdaida jazbasha nemese 8 /7172/ 74-27-04 nómiri boiynsha komitetke jáne onyń aýmaqtyq departamentterine júginýge bolady (ár óńirdiń QDSD-nyń bailanys derekteri aýmaqtyq departamentter bóliginde kooz.dsm.gov.kz/ru saitynda kórsetilgen)», - delingen resmi habaralamada.
