Dúkenderde kezek oryn alsa adamdar arasyndaǵy araqashyqtyq 1 metrden kem bolmaýy tiis. Bul týraly búgin Ortalyq kommýnikatsiialar qyzmetindegi brifingte QR Saýda jáne integratsiia ministri Baqyt Sultanov aitty, dep habarlaidy QazAqparat.
«Saýda nysandarynyń barlyǵy jabylmaityndyǵyn túsindirgim keledi. Tótenshe jaǵdai kezindegi basty mindet - halyqty der ýaqytynda azyq-túlikpen qamtamasyz etý. Sondyqtan azyq-túlik qaýipsizdigin qamtamasyz etý maqsatynda saýda, oiyn-saýyq ortalyqtary, saýda ortalyqtary, dárihanalar, gipermarketter jumys istei beredi. Biraq, olar birqatar talaptardy saqtaýǵa mindetti bolady. Búgin Densaýlyq saqtaý ministrimen jáne Bas sanitarlyq dárigermen qosymsha sharalardy talqyladyq. Birinshi kezekte, zararsyzdandyrý rejimi kúsheitilýi tiis», - dedi ministr.
Sonymen qatar onyń aitýynsha, kezektiń oryn alýyna jol bermeýge bolmaidy.
«Kezek oryn alǵan jaǵdaida adamdar arasyndaǵy araqashyqtyq 1 metrden kem bolmaýy tiis», - dedi B.Sultanov.
