"Irina Qairatovna" Dýdqa suhbat berdi (Video)

Reseilik tanymal jýrnalist, videobloger, 9,13 million jazylýshysy bar YouTube-arnasynyń júrgizýshisi hám avtory Iýrii Dýd sońǵy jyldary mýzykalyq týyndylarymen el arasynda keńinen tanylyp, jastardyń yqylasyna bólenip júrgen qazaqstandyq «Irina Kairatovna» tobynyń múshelerimen suhbat qurý úshin Almatyǵa keldi. Olar lokatsiia retinde shahardyń jáne Jetisý óńiriniń birqatar kórikti oryndaryn da aralady.

Suhbat barysynda «Borat» filmi, eldegi turmystyq zorlyq-zombylyq, Qazaqstan men Reseige ortaq problemalar hám saiasi taqyryptar jaiynda áńgime qozǵaldy.

Interviýdiń qalyń kópshiliktiń kóńilinen shyqqanyn áleýmettik jelilerdegi jurt pikirinen-aq ańǵarýǵa bolady.

Buǵan deiin Iýrii Dýd qazaqstandyq ázilkesh Evgenii Chebatkovpen suhbat quryp, daryndy qazaqstandyqtar tizimin kórsetken edi.

Iýrii Dýdtiń tizimine rejisserlerden - Aisultan Seiitov, Medet Shaiahmetov, Qanat Beisekeev, Qýanysh Beisekov, mýzykanttardan - Skriptonit, Jah Khalib, MChT, IMANBEK, Dimash Qudaibergen, Zoloto, 104, Truwer, M'Dee, The Limba, Dequine, Niman, Kislo-Sladkii & Bonah, IK, Alphavite engen.

Al, ázilkeshterden - Nurlan Sabýrov, Evgenii Chebotkov, Viacheslav Nikiforov, Medet Qalibekov, Ǵalym Qaliaqbarov jáne Birjan Qabylbaev.

Aita keteiik, buǵan deiin jýrnalist qazaqstandyq mýzykanttar Skriptonit, Jah Khalib, komikter Nurlan Sabýrov jáne Evgenii Chebatkovpen suhbattasqan bolatyn.

"Irina Qairatovna" tobynyń músheleri - ázilkesh jáne mýzykanttar Aldiiar Japarhanov, Ilia Gýmennyi, Jasulan Ońǵarov, Azamat Marklenov, Ulan Qaiyrlasov jáne jobanyń rejisseri Qýanysh Beisekov. Shyǵarmashylyq birlestik Qazaqstan astanasynda 2017 jyly paida bolyp, óz jolyn YouTube-te "Shoý Iriny Kairatovny" atty arnadaǵy ázil-syqaq videolardan bastaǵan.

Iá, qysqa ýaqyt aralyǵynda olar túsirgen sketchter tez tarap, «Irina Kai­ratovna» aýditoriiasy Qazaqstan ǵana emes orys tilinde sóileitin ózge elderdi de qamtyp, tez tanyla bastaidy.

Ázil-syqaqqa negizdelgen ­siý­­­­­­jetterden soń, izdeniste júr­gen jigitter rep stilinde án ja­­­zý­­dy qolǵa alady. Ózderi bul bas­­­ta­masynyń kásibi deń­gei­­ge kóterilip kele jatqa­ny­na erek­­­she qýanyshty, al tyń­dar­man­­dar toptyń bul baǵyt­taǵy ju­mys­taryn da oń yqylas­pen qabyl aldy. «Kim bilsin, bilik­tiligimizdi shyńdai otyryp, kásibi deńgeige deiin kóterilermiz. Arnamyzda jáne áleýmettik je­lilerde odan da kóp ánder bolady. Sodan keiin «Barys Arena» stadionyn toltyrýǵa tyrysamyz», degen mýzykantar keleshekke batyl jos­par qurady.