Búgin Dýbaidan taǵy bir reispen 168 adam ushyp keledi. Olar Qapshaǵai qalasynyń mańyndaǵy demalys oryndarynyń birine eki kúnge karantinge jatqyzylady, dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Olarǵa demalys ornynyń aýmaǵynan tys jerge shyǵýǵa tyiym salynady. Karantin kezinde barlyq qajettiliktermen qamtamasyz etiledi. Al olardyń syrtqa shyqpaýyn arnaiy kúzet baqylaidy.
Jolaýshylardan oblysqa kelgen bette COVID-19 infektsiiasyna analizder alynyp, epidemiologiialyq tekserýler jasalady. Tekserý nátijelerine sáikes arnaiy avtobýstarmen turǵylyqty jerlerine jetkiziledi.
Esterińizge sala keteiik, buǵan deiin Taldyqorǵanǵa BAÁ-nen 135 adam ushaqpen jetkizilgenin habarlaǵan bolatynbyz. Olardan alynǵan synama COVID-19 infektsiiasyna teris nátije berip, jolaýshylar eki kúndik karantinnen soń turǵylyqty jerlerine arnaiy kólikpen jetkizilgen edi.
