Dýbai EXPO 2021 halyqaralyq kórmesinde Qazaqstannyń pavilonynda ne usynylatyny kórsetildi, dep habarlaidy QazAqparat.
«Búginde bizdiń pavilon boiynsha eki usynys bar. Biri - ony jyljylmaly etip jasap, keiin elge alyp kelý. Ekinshi joly kórmeden soń pavilondy Dýbaida qaldyryp, sol jerde Qazaqstanǵa ekonomika men syrtqy saýda boiynsha investorlardy tartý. Biraq bul usynys áli talqylaný ústinde. Bizdiń pavilondy qurylys áleminde halyqaralyq deńgeide tanymal shveitsariialyq kompaniia salyp jatyr. Nege otandyq kompaniia emes degen suraqqa kelsek, aldymen qurylys alańy sheteldiki, ekinshiden keshendi jinalmaly bolady iaǵni ony elge ákelý múmkindigi bar. Qazirgi ýaqytta qurylys-montajdaý jumysy aiaqtaldy. Tamyz-qyrkúiek ailarynda pavilondy testileý synaǵyn ótkizetin bolamyz», - dedi QazExpoCongress ulttyq kompaniiasy AQ basqarma tóraǵasy Allen Chaijýnýsov BAQ ókilderine arnalǵan baspasóz týrynda.
Onyń aitýynsha, qazaqstandyq pavilon 4 aimaqtan turady. Ol - kieli mekender kartasy, mádeni mura, tabiǵi bailyqtar jáne biosanalýandyq.
«Bizdiń pavilonǵa kelýshilerge aldymen elimizdiń shyǵý túbin baiandaityn «Shejire» atty 6 minýttyq tanymdyq beinejazba kórsetiledi. Sonymen qatar, kórmede elordany arnaiy tanystyratyn bolamyz, sebebi Nur-Sultan qalasy jas bolǵanymen investorlardy tartý jaǵynan álem qalalarynan kem emes. Pavilonnyń jalpy aýmaǵy - 3400 sharshy metr. Aldyn ala boljam boiynsha Qazaqstannyń kórme pavilonyn 1 mln adam kelip kóredi dep josparlanyp otyr», - deidi ol.
Aita ketsek, «Dýbai EXPO-2021» halyqaralyq kórmesi 2021 jyldyń 1 qazanynda bastalyp, 2022 jyldyń 31 naýryzyna deiin jalǵasady.
