Foto: ashyq derekkóz
Aktrisa Janel Maqajannyń jubaiy Abai Asylhan telejúrgizýshi Láilá Sultanqyzyna suhbat berip, jeke ómiri týraly ashyq aitty, dep habarlaidy Ult.kz.
Abaidyń aitýynsha, ol Janelmen alǵash tanysqanda onyń buryn turmysta bolǵanyn jáne eki balasy bar ekenin bilgen.
«Janel hanym menen 8 jas úlken. Men Janeldi basynan aralasqan kezden onyń birinshi otbasy bolǵanyn, odan eki balasy bar ekenin bildim. Men ol kezde stýdentpin, meniń eshqandai oiym bolǵan joq. Keiin bir jobany birge bastaǵan kezde oǵan degen jylýlyq paida boldy», – deidi ol.
Akterdiń sózinshe, súiiktisine úilený týraly sheshim qabyldaǵan kezde ata-anasy buǵan qarsy bolǵan. Olar jas aiyrmashylyǵyn, áieldiń eki balasy baryn jáne qoǵamnyń teris pikirin alǵa tartqan.
«Ózińnen 8 jas úlken, eki balasy bar, aǵaiynnyń sózi bar, uiat bolady, qalai bolady dep ata-anam aitty. Sóitip biz kóp synaqtardan óttik. Qazaqstannyń ózi ekige bólinip ketti. “Tabaldyryq kórgen qatyndy qaitesiń, dýalap aldy, telejkasy bar qatyndy qaitesiń”, degen sózder kóp aityldy», – deidi Abai Asylhan.
