2021 jyly Qazaqstanda Dúniejúzilik saýda uiymynyń 12-shi ministrlik konferentsiiasy ótetindigine úmit artamyz. Bul týraly Ortalyq Aziiadaǵy Ready4Trade baǵdarlamasy jónindegi konferentsiia barysynda Qazaqstandaǵy Eýropalyq odaq Elshisi Sven-Olov Karlson aitty, dep habarlaidy QazAqparat.
«Ready4Trade baǵdarlamasynyń Ortalyq Aziiada bastalýyn sátti jáne ýaqytyly iske qosyldy dep sanaimyn. Óitkeni bul bizge aimaqtyq integratsiiany, turaqtylyq pen órkendeýdi arttyratyn turaqty saýda saiasatyn júrgizýge múmkindik beredi. COVID-19-dan keiin búkil álemniń daiyndyǵyn qamtamasyz etip jatqan ýaqytta bul odan ári ózekti bola túsetin Eýropalyq Odaqtyń Ortalyq Aziiaǵa arnalǵan strategiiasynyń negizgi tiregi bolyp sanalady», - dedi ol konferentsiia barysynda.
Sonymen qatar EO Elshisi tsifrlandyrý ekonomikalyq ósimdi jedeldetý, inkliýzivti saýda-sattyqty qamtamasyz etý jáne jumys oryndaryn qurýǵa járdemdesý úshin barynsha mańyzǵa ie bolyp kele jatqanyn atap ótti.
«Osyǵan orai Dúniejúzilik saýda uiymynyń jańa talaptaryna sai keletin elektrondy saýda-sattyq týraly jalpy qamtymdy zańnama ázirleýde Qazaqstanǵa qoldaý kórsetý barysynda bizdiń joba zor úles qosatyn bolady. Qazaqstannyń DSU-da mańyzdy rólge ie bolýǵa umtylysyn joǵary baǵalaimyz. Sonymen qatar DSU-nyń 12-shi ministrler kezdesýin ótkizýin taǵatsyzdana kútemiz. Biz Qazaqstan ony 2021 jyly qabyldai alady dep sanaimyz», - dedi Sven-Olov Karlson.
