Densaýlyq saqtaý vitse-ministri Ajar Ǵinaiat 26 qazannan bastap jumysyn bastaityn kinoteatrlarǵa qandai talaptar qoiylatynyn aityp berdi, dep habarlaidy QazAqparat.
«Kinoteatrdyń jumysyna «jasyl aimaqqa» kiretin óńirlerde, epidemiologiialyq jaǵdaiy turaqty, aýrý jaǵdaiy joq aimaqtarda ǵana ruqsat beriledi. Kinoteatrlarǵa barǵanda koronavirýstyń taralýyn boldyrmaý maqsatynda ministrlik belgili talaptar algoritmin bekitti. Olar: kirý biletin múmkindiginshe onlain rejimde satý, zaldardyń tolýyn 30 paiyzdan asyrmaý, sonymen birge otyrǵyzý kezinde áleýmettik araqashyqtyq saqtalýy tiis. Sonymen qatar zaldardy dezinfektsiialaý úshin keminde 30 minýttyq sessiialar arasynda úzilis saqtalýy kerek. Áleýmettik araqashyqtyq pen maska rejimi saqtalýy tiis. Nysan ashylǵanǵa deiin dezinfektsiia quraldaryn qoldana otyryp, jalpy tazartyp turý kerek. Kireberistegi qyzmetkerler kelýshilerdiń maska rejimin saqtaýynyń, dene qyzýynyń ólshenýine qamtamasyz etedi», - dedi Ajar Ǵinaiat OKQ-da ótken baspasóz máslihatynda.
Vitse-ministrdiń aitýynsha kinoteatrdaǵy jeldetý jáne aýa baptaý júieleri úzdiksiz jumys isteýi tiis.
«Kinoteatrlardyń báriniń jumysyn sanitarlyq dárigerler tekserip, jekelep ruqsat beretin bolady. Eger barlyq sharalar saqtalsa, olardyń jumys júrgizýge ruqsat beriledi», - dedi ol.
