Qazaqstan Ýkrainadan dári-dármek jetkizý kelisimshartyn birjaqty tártippen buzady. Bul týraly Densaýlyq saqtaý ministri Ajar Ǵiniiat málimdedi, - dep habarlaidy Tengrinews.kz tilshisi.
Májilis otyrysynda depýtat Zarina Qamasova ómiri men densaýlyǵy dári-dármek qabyldaýmen bailanysty qazaqstandyqtardy qazirgi geosaiasi jáne áleýmettik-ekonomikalyq jaǵdai men Ýkrainadan dári-dármek jetkizýdegi úzilis alańdatyp otyrǵanyn aitty.
"Búginde Densaýlyq saqtaý ministrligi Ýkrainadan dári-dármek jetkizýde qiyndyqtarǵa tap boldy. Ol elden 25-ten astam dári-dármek satyp alynady. Taǵy bir problema - bul bizdiń óndiristiń birqatar komponentter men logistikaǵa importqa táýeldiligi. Aýrýhanalar dári-dármekterdi, meditsinalyq maqsattaǵy zattardy shekti baǵamen satyp alatyndyqtan, búginde olarda shpritster, kateterler nemese basqa da qajetti zattar tapshylyǵy bolýy múmkin. Osyndai qarqynmen 90-jyldardaǵydai dári-dármekter men meditsinalyq maqsattaǵy buiymdardy qymbat baǵaǵa satyp alamyz. Biraq Úkimet uzaq merzimdi qor baryn aitty. Eger birqatar aimaqtarda "SK-Farmatsiia" qoimalary bolmasa, bul qalai bolady? Aityńyzshy, sizder naýqastardy dári-dármekpen úzdiksiz qamtamasyz etýdi qalai josparlap otyrsyzdar"- dep surady depýtat Densaýlyq saqtaý ministrine.
