QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova vaktsinalaý týraly pasportty satyp alǵandarǵa úndeý joldady, dep habarlaidy QazAqparat.
«Pasporttyń ras-ótirigin tekserý múmkin emes, adamnyń ózi vaktsina almaǵanyn, jalǵan qujat jasatqanyn moiyndasa ǵana ashylady. Bul rette, qurmetti qazaqstandyqtar, sizder vaktsinalaý pasportyn satyp alǵanda kem degende reanimatsiiaǵa bilet satyp alǵanyńyzdy eskerińiz. Sondyqtan, memleket tegin qorǵanýǵa múmkindik berip otyrǵanda jáne siz óz qarajatyńyzdy jalǵan pasportqa jumsaǵanda, joǵaryda aitqanymdai, aýyryp qalýǵa tipti qaitys bolýǵa joldama alǵanmen teń bolasyz. Sondyqtan, ózderińiz oilanyp kórińizder», - dedi A. Esmaǵambetova Ortalyq kommýnikatsiialar qyzmetinde ótken brifingte.
Sonymen birge, spiker qoldan jasalǵan pasport úshin jaýapkershilik qarastyrylǵanyn eske saldy.
«Pasportty qoldan jasaý úshin de, qoldan jasaý protsedýrasy úshin de, ony satyp alý úshin de jaýapkershilik qarastyrylǵan. Densaýlyq saqtaý ministrliginiń ózi vedomstvoaralyq komissiiada jalǵan vaktsinalaý pasporttary máselesin kóterdi. Ishki ister ministrligi qoldan jasalǵan pasporttar boiynsha birqatar qylmystyq is qozǵady. Ásirese, vaktsinalaýdyń tiimdiligine kúmán keltirip jatqanda buǵan jol berýge bolmaidy. Vaktsinalaý pasportyn satyp almai turyp, ózińizdiń jáne jaqyndaryńyzdyń densaýlyǵyna qaýip tóndiretinińizdi oilańyz, sebebi virýs tasymaldaýshysy bolýyńyz ábden múmkin», - dedi Aijan Esmaǵambetova.
